Türkiyədə inflyasiya cüzi düşüb - ƏN ÇOX TƏHSİL, MƏNZİL, RESTORAN VƏ OTEL QİYMƏTLƏRİ ARTIB

Türkiyədə inflyasiya cüzi düşüb - ƏN ÇOX TƏHSİL, MƏNZİL, RESTORAN VƏ OTEL QİYMƏTLƏRİ ARTIB

Oktyabrda aylıq inflyasiya 2,88 faiz ikən, illik inflyasiya 48,58 faiz olaraq qeydə alınıb.

Türkiyədə inflyasiya cüzi düşüb - ƏN ÇOX TƏHSİL, MƏNZİL, RESTORAN VƏ OTEL QİYMƏTLƏRİ ARTIB

Türkiyədə oktyabr ayında aylıq inflyasiya 2,88 faiz, illik inflyasiya 48,58 faiz təşkil edib (ümumi qiymət səviyyəsi oktyabr ayında sentyabr ayı ilə müqayisədə 2,88%, ötən ilin oktyabr ayı ilə müqayisədə isə 48,58% artıb).

Bu barədə Marja.az Türkiyə Statistika Qurumunun (TÜİK) məlumatlarına istinadən xəbər verir.

VTB-də yüksək depozit faizləri daha çox qazandırır

Marja xəbər verir ki, aylıq inflyasiyanın 2,50 faiz, illik inflyasiyanın 48 faiz təşkil edəcəyi gözlənilirdi.

Sentyabrda aylıq inflyasiya 2,97 faiz, illik inflyasiya 49,38 faiz təşkil etmişdi.

Oktyabrda baza inflyasiya illik 47,75% olub.

İstehsalçı qiymətləri tərəfində - aylıq inflyasiya 1,29 faiz, illik inflyasiya isə 32,24 faiz təşkil edib. Məlumatlar istehsalçı inflyasiyasının illik müqayisədə istehlakçı inflyasiyasından aşağı qaldığını göstərib. Oktyabr ayına olan məlumata görə, illik istehsalçı inflyasiyası 16-cı ayda istehlak inflyasiyasından aşağı olub.

Ən yüksək aylıq artım geyim və ayaqqabı qrupunda olub

TÜİK-in məlumatlarına görə, ən yüksək aylıq artım 14,32% ilə geyim və ayaqqabı qrupunda olub. Geyim və ayaqqabı qrupunun ardınca 4,33 faiz bahalaşma ilə qida və alkoqolsuz içkilər, 3,52 faizlə rabitə qrupu yer tutur.

İllik müqayisədə oktyabr ayında ən yüksək bahalaşma 93,6 faiz ilə təhsil, 89,39 faiz ilə mənzil və 62,09 faizlə restoran və otel qrupunda qeydə alınıb.

Türkiyə Cümhuriyyəti Mərkəzi Bankı (TCMB) Sentyabr ayında Pul Siyasəti Komitəsinin iclasında faiz dərəcəsini 50 faiz səviyyəsində sabit saxlasa da, sentyabr ayında inflyasiyanın əsas meylinin bir qədər artdığına və yaxşılaşma sürəti ilə bağlı qeyri-müəyyənliyə diqqət çəkib.

Sentyabrda aylıq inflyasiya xidmət inflyasiyasının təsiri ilə gözləntiləri üstələdikdən sonra - baxmayaraq ki, hələ də dekabr ayında faiz endiriminin mümkünlüyünü düşünənlər var. Lakin bu ilin qalan hissəsində faiz endirimini gözləyən iqtisadçıların sayı azalıb.

04.11.2024 11:54

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az