Noyabrın 5-də ABŞ-da keçiriləcək prezident seçkiləri öncəsi keçirilmiş sorğularda namizədlərin (Donald Tramp və Kamala Harris) baş-başa qalması dolların yeni həftənin ilk ticarət günündə dəyər itirməsinə səbəb olub.

Marja xəbər verir ki, Dollar indeksi və ABŞ-ın 10 illik istiqrazlarının gəlirliliyi, son həftələrdə iyul ayından bəri ən yüksək səviyyəyə çatıb. Bu, Donald Trampın mümkün qələbəsinin qiymətlərdə əks olunması kimi şərh olunur. Dolların ucuzlaşmasına - yumşaq fiskal siyasət, yüksək gömrük tariflərinin fiskal kəsiri və inflyasiyanın artmasına səbəb olacağı gözləntisindən qaynaqlanır. Cümə günü 0,40% bahalaşan Bloomberg Dollar İndeksi bu səhər saat 08:54-ə qədər mənfi 0,63 faizlə əməliyyat olunub, çünki sorğular başa-baş nəticə göstərir. Dollar indeksi isə, 0,57% düşərək 103,7 səviyyəsinə geriləyib.

Seçki ilə bağlı proqnoz Meksika pesosunu dəstəkləsə də, avro və Avstraliya dolları dəyər qazanıb. ABŞ-da keçən həftə açıqlanan məlumatlar inflyasiyanın aşağı düşdüyü və məşğulluğun gözləniləndən daha yavaş olsa da artmağa davam etdiyi halda, iqtisadi artımın davam etdiyini göstərib. Wall Street indeksləri ötən həftənin son əməliyyat gününü artımla tamamlasa da, həftə ərzində dəyər itirib. Cümə günü müvafiq olaraq 0,41 faiz və 0,72 faiz bahalaşan S&P 500 və Nasdaq 100 həftə ərzində 1,37 faiz və 1,57 faiz ucuzlaşıb. Bu səhər fyuçers indekslərində yuxarıya doğru hərəkətlər müşahidə olunur.

Asiya fond bazarları Çin və Cənubi Koreyanın liderliyilə bahalaşıb. Cümə günü Wall Street indekslərinin artım tendensiyası da yüksəlişə təsir edib. Ümumçin Xalq Nümayəndələri Yığıncağı Daimi Komitəsinin iclası həftə ərzində davam edəcək və mümkün təşviqedici addımlar izlənəcək. Yaponiyada maliyyə bazarları bu gün dövlət bayramı ilə əlaqədar bağlanıb.

OPEC+ dekabrda hasilatın artırılmasını bir ay təxirə salmağa razılaşsa da, İran İsrailə qarşı cavab hücumu ilə bağlı sərt açıqlamalar verib. WSJ-nin məlumatına görə, Tehran müttəfiqlərinə hücumun ABŞ-ın səsverməsindən sonra, lakin yanvarda inaqurasiyadan əvvəl baş verəcəyini və yalnız raket və pilotsuz təyyarələrlə məhdudlaşmayacağını bildirib. Bu hadisələrdən sonra Brent markalı neftin barel qiyməti 1,5 faiz bahalaşıb.