ARDNF Səudiyyə Ərəbistanında aparıcı şirkətlərinin rəhbərləri ilə mühüm görüşlər keçirib

ARDNF Səudiyyə Ərəbistanında aparıcı şirkətlərinin rəhbərləri ilə mühüm görüşlər keçirib

ARDNF Səudiyyə Ərəbistanında aparıcı şirkətlərinin rəhbərləri ilə mühüm görüşlər keçirib

Azərbaycan Respublikası Dövlət Neft Fondunun (ARDNF) İcraçı direktoru İsrafil Məmmədovun rəhbərlik etdiyi nümayəndə heyəti beynəlxalq maliyyə bazarında strateji tərəfdaşlıq əlaqələrini genişləndirmək və investisiya portfelini şaxələndirmək istiqamətində görülən işlər çərçivəsində Səudiyyə Ərəbistanına işgüzar səfər edib.

ARDNF-in yaydığı məlumatda bildirilir ki, səfər müddətində nümayəndə heyəti Səudiyyə Ərəbistanının Maliyyə naziri Mohammed Al-Jadaan və İnvestisiya naziri Khalid A. Al-Falih kimi dövlət rəsmiləri, eləcə də “BSF”, “Vision Invest”, “Gulf Islamic Investments”, “Investcorp”, “Sanabil”, “Dubai Holding” və “Gulf Capital” kimi bir sıra aparıcı şirkətlərin rəhbərləri ilə mühüm görüşlər keçirib.

Görüşlər zamanı iqtisadi əlaqələrin genişləndirilməsi, qarşılıqlı sərmayələrin təşviqi və əməkdaşlığın inkişaf perspektivləri, potensial investisiya imkanları, eləcə də strateji layihələr müzakirə edilib. Tərəflər, innovasiya, dayanıqlı inkişaf və iqtisadi diversifikasiya kimi qarşılıqlı maraq doğuran sahələrdə əməkdaşlıq imkanlarını dəyərləndiriblər.

Nümayəndə heyəti eyni zamanda səfər çərçivəsində, 29-31 oktyabr tarixlərində Səudiyyə Ərəbistanının Riyad şəhərində keçirilən VIII Gələcək İnvestisiya Təşəbbüsü Forumunda (FII8) da iştirak edib.

FII8 dünyanın ən nüfuzlu liderlərini və ekspertlərini bir araya gətirərək, qlobal çağırışlara cavab verən transformativ investisiya imkanlarını müzakirə etmək məqsədi daşıyıb. Forum çərçivəsində ARDNF-nin nümayəndə heyəti “Franklin Templeton”, “Starwood” və “Brookfield” kimi dünyanın aparıcı maliyyə şirkətlərinin rəhbərləri ilə məhsuldar görüşlər keçirib.

"FII8 forumu çərçivəsində aparılan müzakirələr, beynəlxalq tərəfdaşlarla yeni əməkdaşlıq imkanlarının təməlini qoymaqla yanaşı, Dövlət Neft Fondunun qlobal investisiya təcrübəsini zənginləşdirməsi baxımından da mühüm platforma rolunu oynayıb", -məlumatda deyilir.

01.11.2024 12:59

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az