Boeing ilə ilkin razılaşma əldə olunub

Boeing ilə ilkin razılaşma əldə olunub

ABŞ-ın təyyarə istehsalçısı Boeing və həmkarlar ittifaqı liderləri şirkətin kommersiya təyyarələrinin istehsalına mane olan uzun mübahisəyə son qoymaq üçün ilkin razılığa gəldiklərini açıqlayıb.

33 mindən tətil edən işçini təmsil edən həmkarlar ittifaqı liderləri Boeing-in kommersiya təyyarəsi istehsalını ləngidən uzunmüddətli əmək mübahisəsinə son qoymaq üçün ilkin razılığa gəliblər.

Marja.az xəbər verir ki, Şirkətin son təklifi təsdiq olunarsa, dörd il ərzində işçilərin maaşları 38 faiz artırılacaq və işçilər 12 min dollar mükafat alacaqlar. İttifaq noyabrın 4-də təklifi səsverməyə çıxarmağı planlaşdırır.

VTB-də yüksək depozit faizləri daha çox qazandırır

Oktyabrın 24-də Boeing-in əməkdaşları dörd il ərzində maaşlarının 35 faiz artırılması təklifini rədd edərək, tətili davam etdirmək qərarına gəliblər.

Boeing-in 30 mindən çox işçisi sentyabrın 13-də şirkətin artım təklifini qəbul etməkdən imtina edərək tətilə çıxıblar.

2008-ci ildəki tətil gündə təxminən 100 milyon dollara başa gəlmişdi

2008-ci ildə 8 həftəlik tətil, Boeing-də 1995-ci ildə 10 həftəlik tətildən sonra ən uzunmüddətli tətil olmuş və şirkətə gündə təxminən 100 milyon dollara başa gəlmişdi. Bildirilir ki, “Boeing” 2008-ci ildə olduğundan daha pis maliyyə vəziyyətindədir.

Şirkət 2018-ci ildə İndoneziyada və 2019-cu ildə Efiopiyada ən çox satılan 737 Max təyyarəsinin qəzaya uğramasından sonra 27 milyard dollar itirib.

Vurğulanır ki, “Boeing”in gəlirləri azalsa da, borcları artsa da, şirkətin 500 milyard dollardan çox qiymətləndirilən böyük sifarişləri var.

01.11.2024 09:44

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az