BOKT "Finans Kredit”in istiqrazlarının yerləşdirilməsi üzrə hərrac keçiriləcək - TARİX

BOKT "Finans Kredit”in istiqrazlarının yerləşdirilməsi üzrə hərrac keçiriləcək - TARİX

BOKT "Finans Kredit”in istiqrazlarının yerləşdirilməsi üzrə hərrac keçiriləcək - TARİX

28 oktyabr 2024-cü il tarixində Bakı Fond Birjasının (BFB) Listinq Komitəsinin qərarı ilə BOKT "Finans Kredit” MMC-nin ümumi buraxılış həcmi 300,000 (üç yüz min) manat olan istiqrazları standart bazar seqmentində listinqə daxil edilib.

Birjanın yaydığı məlumata görə, qeyd olunan istiqrazların yerləşdirilməsi 29 oktyabr 2024-cü il tarixində Bakı Fond Birjasında birqiymətli hərrac üsulu ilə həyata keçiriləcəkdir.

İstiqrazlar üzrə məlumat aşağıdakı kimidir:

Emitentin adı: BOKT "Finans Kredit” MMC

Dövlət qeydiyyat nömrəsi – İSİN: AZ2004023555

İstiqrazın növü və forması:: İstiqraz faizli, təmin edilməmiş sənədsiz adlı

Ticarət üsulu / forması: Kütləvi / Birqiymətli

İstiqrazın sayı: 300 (ədəd)

İlkin ticarət qiyməti: 1000 manat

İstiqrazın buraxılış həcmi: 300000 manat

İllik gəlirlilik faizi: 15%

Ödəmə Periodu: İlk istiqrazın yerləşdirildiyi tarixdən etibarən 30(otuz) gündən bir

Tədavül müddəti: 24 ay

Ticarətə buraxılma tarixi: 29.10.2024

Anderrayter: “CPM-İnvest İ.Ş” ASC

Xəbər verdiyimiz kimi, BOKT "Finans Kredit" MMC istiqraz buraxılışı yolu ilə 300 min manat cəlb etməyə hazırlaşır. Kredit təşkilatı hər birinin nominal dəyəri 1000 manat olan 300 ədəd adlı,faizli, sənədsiz, təmin edilməmiş istiqrazlar buraxıb.

İstiqrazlar üzrə illik faiz dərəcəsi 15%, tədavül müddəti 24 aydır. Faiz gəlirləri investorlara hər 30 gündən bir ödəniləcəkdir.

Qeyd edək ki, 30 sentyabr 2020-ci il tarixində dövlət qeydiyyatına alınmış BOKT "Finans Kredit" MMC-nin nizamnamə kapitalının 100%-i Məmmədov Rəmiyəddin Hüseyn oğluna məxsusdur. Təşkilat riteyl və mikro biznes kredit bazarlarında fəaliyyət göstərir.

30 iyun 2024-cü il tarixində BOKT "Finans Kredit" 2 milyon 654 min manat kredit portfelinə malik olub.

Emissiyanın anderrayteri "CPM-İnvest İnvestisiya Şirkəti" ASC-dir.

28.10.2024 15:14

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az