McDonald's-ın səhmlərində kəskin ucuzlaşma

McDonald's-ın səhmlərində kəskin ucuzlaşma

McDonald's məhsullarında E. coli bakteriyasının aşkarlanmasından sonra səhmləri kəskin şəkildə ucuzlaşıb.

McDonald's-ın səhmlərində kəskin ucuzlaşma

ABŞ-ın restoranlar şəbəkəsi McDonald's-ın ABŞ-ın10 ştatında restoranlarında təklif olunan hamburgerlərdə E.Coli bakteriyasının aşkarlanmasından sonra səhmləri kəskin ucuzlaşıb.

Marja xəbər verir ki, Şirkətin Nyu-York Fond Birjasında ticarət olunan səhmləri 7,4 faiz ucuzlaşaraq 290,83 dollaradək düşüb. Sonra itkinin bir hissəsi bərpa olunub.

VTB-də minimal faiz dərəcəsi ilə nağd kredit 9.9%-dən

Ucuzlaşma ABŞ-ın 10 ştatında McDonald's məhsullarında E. coli bakteriyasının aşkarlanmasından sonra qeydə alınıb.

Bakteriyanın aşkar edildiyi 10 ştatda xəstələnən 49 nəfərdən biri dünyasını dəyişib.

ABŞ Xəstəliklərə Nəzarət və Qarşısının Alınması Mərkəzi (CDC) tərəfindən dünən verilən açıqlamada, McDonald's "Quarter Pounder" hamburgerində E. coli bakteriyasının aşkar edildiyi bildirilib.

Açıqlamada, Kolorado, Ayova, Kanzas, Missuri, Montana, Nebraska, Oreqon, Yuta, Viskonsin və Vayominq ştatlarında sözügedən bakteriyadan xəstələnən 49 nəfərdən birinin öldüyü bildirilib.

Açıqlamada hamburgerlərdə istifadə edilən mal ətindən hazırlanan küftə və soğanın tərkibində E.coli bakteriyası ola biləcəyi, lakin bunun dəqiq olmadığı, McDonald'sın bəzi ştatlarda bu hamburgerlərin satışını və şübhəli maddələrin istifadəsini dayandırdığı bildirilib.

Açıqlamada məsələ ilə bağlı araşdırmaların davam etdiyi qeyd edilib.

"Quarter Pounder" menyudan çıxarılıb

Digər tərəfdən, McDonald's E.Coli bakteriyasının "Quarter Pounder" adlı hamburgerdə istifadə edilən dilimlənmiş soğanla əlaqəli ola biləcəyinı açıqlayıb. Bütün yerli restoranlara bu məhsulu tədarüklərindən çıxarmaq göstərişi verildiyi və bütün doğranmış soğanının paylanmasının dayandırıldığı bildirilib.

"Quarter Pounder" burgeri restoranlarda menyulardan müvəqqəti olaraq çıxarılıb.

23.10.2024 20:25