"Türkiyə Mərkəzi Bankı faiz endirimini 2025-ci ilə təxirə sala bilər"

"Türkiyə Mərkəzi Bankı faiz endirimini 2025-ci ilə təxirə sala bilər"

UBS, BBVA (Banco Bilbao Vizcaya Argentaria) və Barclays Türkiyə Cümhuriyyəti Mərkəzi Bankının (TCMB) faiz endirimi proqnozlarını paylaşıblar. Bu qurumlar inflyasiya məlumatlarına və mövcud iqtisadi şəraitə əsaslanaraq müxtəlif tarixlərdə faiz dərəcələrinin azaldılmasını proqnozlaşdırırlar.

"Türkiyə Mərkəzi Bankı faiz endirimini 2025-ci ilə təxirə sala bilər"

Sentyabr ayı inflyasiya məlumatlarından sonra bir sıra xarici qurumlar - UBS, BBVA və Barclays Türkiyə Cümhuriyyəti Mərkəzi Bankının (TCMB) faiz endirimi gözləntiləri ilə bağlı yeni hesabatlar dərc ediblər.

Marja xəbər verir ki, UBS, TCMB-nin noyabr ayında faiz endiriminə başlayacağını gözlədiyi halda, risklər artarsa bu qərarın 2025-ci ilə qədər uzana biləcəyini açıqlayıb.

VTB-də minimal faiz dərəcəsi ilə nağd kredit 9.9%-dən

UBS-in iqtisadçısı Gyorgy Kovacs, "Dezinflyasiya prosesində daha qeyri-müəyyən vəziyyət yaranıb. Noyabr ayında gözlənilən 0,25 faiz bəndi faiz endirimi 2025-ci ilə təxirə salına bilər",- deyib.

BBVA isə Türkiyədə aylıq inflyasiyanın gözləniləndən yüksək olması səbəbindən ilk faiz endirimi tarixi barədə proqnozunu dekabr ayına keçirib. Bank "TCMB-nin ilin sonuna inflyasiya gözləntisi 43%-ə düşsə də, bu, ehtiyatlı faiz endirimi üçün məhdud yer yaradır" kimi qiymətləndirib.

Barclays, oktyabr ayı inflyasiya məlumatları proqnozlardan yuxarı olarsa, ilk faiz endirimin 2024-cü ilin sonu və ya 2025-ci ilə təxirə salına biləcəyini vurğulayıb.

Türkiyədə inflyasiya 50 faizdən aşağı düşüb

Dünən Türkiyə Statistika Təşkilatı (TÜİK) sentyabr ayı inflyasiya məlumatlarını açıqlayıb.

Marja xəbər verir ki, məlumatlar ölkədə illik inflyasiyanın 50 faizdən aşağı düşdüyünü göstərib. Beləliklə, illik inflyasiya son üç ildə ilk dəfə olaraq Mərkəzi Bankın pul siyasəti faizindən (hazırda 50%) aşağı düşüb.

TÜİK-in məlumatına görə, istehlak qiymətləri indeksi (inflyasiya göstəricisi) sentyabr ayında ötən ilin sentyabr ayı ilə müqayisədə 49,38 faiz artıb. Sentyabrda aylıq inflyasiya isə 2,97 faiz olub (avqust ayı ilə müqayisədə sentyabrda qiymət artımı 2,97 faiz təşkil edib).

İllik baza inflyasiyada yavaşlama sentyabr ayında da davam edib. İllik baza inflyasiya 49,10%, aylıq baza inflyasiyası 3,57 faiz təşkil edib.

04.10.2024 07:44