27 avqust 2024-cü il tarixində Bakı Fond Birjasının (BFB) Listinq Komitəsinin qərarı ilə "Legion Financial” ASC-nin 1 milyon manatlıq istiqrazları Bakı Fond Birjasında standart bazar seqmentində listinqə daxil edilib.

Birjanın yaydığı məlumatda bildirilir ki, qeyd olunan istiqrazların yerləşdirilməsi Bakı Fond Birjasında abunə yazılışı üsulu ilə həyata keçiriləcəkdir.

27 avqust 2024-cü il tarixindən başlayaraq 29 sentyabr 2024-cü il tarixinə kimi 34 gün ərzində "Legion Financial” ASC-nin istiqrazları üzrə abunə yazılışı baş tutacaqdır. İstiqrazlar üzrə yerləşdirmə 30 sentyabr 2024-cü il tarixində baş tutacaqdır.

İstiqrazlar üzrə məlumat aşağıdakı kimidir:

Emitentin adı: "Legion Financial” ASC

Dövlət qeydiyyat nömrəsi – İSİN: AZ2003025460

Səhmlərin növü və forması: İstiqraz faizli, təmin edilməmiş sənədsiz adlı

Ticarət üsulu/forması: Kütləvi/Abunə yazılışı

Səhmlərin sayı: 1000 (ədəd)

İlkin ticarət qiyməti: 1000 manat

Buraxılış həcmi: 1 000 000 manat

İllik gəlirlilik faizi: 15%

Ödəmə periodu: Yerləşdiyi tarixdən etibarən 30 (otuz) gündən bir

Tədavül müddəti: 5 il

Anderrayter: “Assist Finance İ.Ş” ASC

Ticarətə buraxılma tarixi: 30.09.2024

Əlavə edək ki, avtomobil lizinqi şirkəti "Legion Financial" ASC-nin nizamnamə kapitalı 1 milyon manat artırılır.  Şirkət hər birinin nominal dəyəri 100 manat olan 10 000 ədəd adi, sənədsiz və adlı səhm buraxıb. Səhmlərin yerləşdirilməsi uğurla yekunlaşarsa, "Legion Financial" ASC-nin nizamnamə kapitalı 3 milyon 135 min manatdan 4 milyon 135 min manata yüksələcək (32% artacaq).

Qeyd edək ki, 2024-cü ildə 2 dəfədə "Legion Financial" ASC-nin nizamnamə kapitalı 890 min manat (95 min manat və 795 min manat olmaqla) artırılıb. 

Emitet: "Legion Financial" ASC

Əlaqə:  +994 12 310 52 53; 

+994 50 247 99 31

Anderrayter: "ASSIST Finance İnvestisiya Şirkəti" ASC

Əlaqə: +994 12 310 34 20; +994 77 233 11 11