"AKABE" ASC-in Ümumi Yığıncağı 09 avqust 2024-cü il tarixdə hüquqi şəxsin hüquq və vəzifələri hüquq varisliyi qaydasında başqa şəxslərə keçmədən ləğv edilməsi barədə qərar qəbul etmişdir.

Marja.az Şirkətin bildirişinə istinadən xəbər verir ki, kreditorlar 60 gün ərzində ləğv edilən hüquqi şəxsə qarşı tələblərini Bakı, Binəqədi rayonu, M.Rəsulzadə qəsəbəsi, Binəqədi şossesi, ev.12 ünvana bildirə bilərlər.

Azərbaycan Respublikasının Mülki Məcəlləsinin 61.7-ci maddəsinə əsasən ləğv edilən hüquqi şəxsin kreditorlarına pul vəsaiti ödəmə barədə tələblərin daxil olduğu növbəlilik qaydasında ləğvetmə komissiyası (təsviyəçi) tərəfindən ödəniləcəkdir.

Dövlət Vergi Xidmətinin sistemində mövcud olan məlumata görə, 4 min manat nizamnamə kapitalı olan "AKABE" ASC-nin İdarə Heyətinin sədri Səməd Hacıyevir. Şirkətin ləğvedicisi Anar Quliyevdir.

Ləğv edilən hüquqi şəxs "Akabe" MMC deyil, "Akabe" ASC-dir

"Akabe" mağazalarını (Akabe Inshaat) idarə edən "Akabe" MMC şirkəti (VÖEN: 1400142861) fəaliyyətini davam etdirir. Ləğv edilən şirkət - uzun müddətdir fəaliyyəti olmayan "Akabe" ASC-dir. 

Bu barədə Marja.az-a "Akabe" MMC şirkətindən bildirilib. 

Qeyd edilib ki, "Akabe" ASC-nin ləğv edilməsi barədə bildiriş "Akabe" MMC-nin müştəriləri və tərəfdaşları arasında narahatlığa səbəb olub: ""Akabe" MMC və mağazaları fəaliyyətini davam etdirir, müştərilərin və tərəfdaşların narahatlığına əsas yoxdur". 

"Akabe" MMC-nin də hüquqi ünvanı Bakı, Binəqədi rayonu, M.Rəsulzadə qəsəbəsi, Binəqədi şossesi, ev.12-dir. 11 min 137 manat  nizamnamə kapitalı olan "Akabe" MMC şirkətinin direktoru Nəcəfzadə İlqar Hüsəməddin oğludur. 

"Akabe" MMC inşaat materiallarının istehsalı və satışı fəaliyyətləri ilə məşğul olur. Şirkət Avropa və Asiyanın Kutahya, Etili, Seramiksan, Huayi, Cleanox, Duravit, Hansgrohe, Grohe, Artemis, Turkuaz, Pars Tile, Mercan Seramik, Adell Banyo, Armadi Art, Badella, Laufen, Ph Dizayn kimi tanınmış brendlərin Azərbaycandakı rəsmi distribyutorudur.