Çinin digər ölkələr ilə ticarət həcmi 2024-cü ilin yanvar-iyul aylarında illik müqayisədə 3,5% artaraq 3,5 trilyon dollar təşkil edib.

Marja xəbər verir ki, bu barədə Çin Xalq Respublikasının Baş Gömrük İdarəsi məlumat yayıb.

Məlumata görə, Çin ixracatı 7 ayda keçən ilin eyni dövrü ilə müqayisədə 4% artaraq 2,01 trilyon dollara çatıb. İdxal 2,8% artım göstərərək 1,49 trilyon dollar təşkil edib. Çinin yanvar-iyul aylarında müsbət saldosu 518 milyard dollara çatıb ki, bu da 2023-cü ilin eyni dövrü ilə müqayisədə 7,9% çoxdur. 

Çinin ABŞ ilə ticarət həcmini 1,4% artırb

Yanvar-iyul aylarında Çin və ABŞ arasında ticarət dövriyyəsi illik müqayisədə 1,4% artaraq 383,15 milyard dollar təşkil edib. Çinin ABŞ-a ixracı 2023-cü ilin yanvar-iyul aylarına nisbətən 2,4% artaraq 286,89 milyard dollar təşkil edib. 

Çin ABŞ-dan soya, pambıq və qarğıdalı, mikroçiplər, yolsuzluq avtomobilləri, mayeləşdirilmiş neft qazı və neft, kokslaşan kömür, mis və mis filizi idxal edir. Amerika tərəfi Çindən smartfonlar, kompüterlər, litium-ion batareyalar, plastik məhsullar, təhlükəsizlik kameraları, məişət texnikası, ayaqqabılar, uşaq oyuncaqları və daha çox şey alır.

Çin-Amerika münasibətləri son bir neçə ildə daha da gərginləşərək iki ölkə arasındakı ticarətə təsir göstərib. 2022-ci ildə onların ticarət dövriyyəsi cəmi 0,6% artaraq 759,4 milyard dollar təşkil edib. 2023-cü ildə isə 11,6% azalaraq 664,45 milyard dollara düşmüşdü.

Çinin Rusiya ilə ticarəti 1,6% artıb

Yanvar-iyul aylarında Çin-Rusiya ticarətinin həcmi illik 1,6% artaraq 136,67 milyard dollar təşkil edib. 7 ay ərzində Çinin Rusiyadan mal idxalı 3,9% artaraq 75,03 milyard dollara çatıb, əksinə, Rusiyaya mal ixracı isə 1,1% azalaraq 61,64 milyard dollara düşüb. Rusiya tərəfinin müsbət saldosu ötən ilin eyni dövrü ilə müqayisədə 48% artaraq 13,39 milyard dollar təşkil edib

Çinin Rusiyadan idxal etdiyi malların əsas hissəsini enerji resursları - neft, təbii qaz və kömür təşkil edir. Digər əsas idxal olunan məhsullara mis və mis filizi, ağac, yanacaq və dəniz məhsulları daxildir. Çin Rusiya Federasiyasına geniş çeşiddə məhsullar - avtomobillər, traktorlar, kompüterlər, smartfonlar, sənaye və ixtisaslaşdırılmış avadanlıqlar, oyuncaqlar, ayaqqabılar, kondisionerlər və s. ixrac edir.

Rusiya Federasiyası ilə Çin arasında ticarət dövriyyəsi 2022-ci ildə 29,3% artaraq 190 milyard dollara, 2023-cü ildə isə 26,3% artaraq 240,11 milyard dollara çatıb. Bu il ticarət dövriyyəsinin 250 milyard dollara çatdırılması hədəflənir.