Nikkei-nin çöküşü 1987-ci ilin "Qara Bazar ertəsi"ni üstələyib

Nikkei-nin çöküşü 1987-ci ilin "Qara Bazar ertəsi"ni üstələyib

Nikkei-nin çöküşü 1987-ci ilin "Qara Bazar ertəsi"ni üstələyib

Tokio Fond Birjasında Yaponiyanın 225 aparıcı şirkətinin səhmlərinin qiymətlərindəki dəyişiklikləri əks etdirən əsas Nikkei indeksi ABŞ-da mümkün tənəzzül və yenin dollara nisbətdə möhkəmlənməsi ilə bağlı investorların narahatlıqları fonunda ticarətin sonunda 12,4% ucuzlaşıb.

Marja xəbər veri ki, bunu ticarət məlumatları göstərir.

Ticarət nəticəsində Nikkei 4451,28 bənd itirərək 31458,42 bəndə düşüb. Bu, 1987-ci ildə ticarət zamanı indeksin maksimum 3836,33 bənd itirdiyi "Qara Bazar ertəsi" günündəki çöküşü üstələyən tarixi rekord enişdir.

Maliyyə sektoru tənəzzülə rəhbərlik edir. Beləliklə, Yaponiyanın üç meqa bankının kotirovkaları 20% azalıb. Mitsubishi UFJ Financial Group 17,84%, Sumitomo Mitsui Financial Group 15,52%, Mizuho Financial Group 19,71% ucuzlaşıb.

Sənaye nəhəngləri də güclü eniş göstərib - Heavy Industries (14,96%), Toyota Motor (13,65%), Honda Motor (17,77%), Mitsubishi Motors (7,9%), Nissan Motor (14,47%), Suzuki Motor (16,67%) ucuzlaşıb.

Yerli müşahidəçilər Tokio birjasındakı çöküşü avqustun 2-də əmək bazarı statistikasının bazar gözləntilərindən aşağı olduğu ABŞ-da mümkün tənəzzüllə bağlı narahatlıqlar ilə izah edirlər.

Yaponiya Nazirlər Kabinetinin baş katibi Yosimasa Hayaşi bildirib ki, Yaponiya hökuməti birjadakı vəziyyəti şərh etmir, çünki səhmlərin qiymətlərini bazar müəyyən edir, lakin onlar vəziyyəti diqqətlə izləyirlər.

Kotirovkaların azalmasının digər amili milli valyutanın möhkəmlənməsidir ki, bu da iri ixracatçılar üçün əlverişsizdir. Avqustun 5-də məzənnə 1 dollar üçün təxminən 143,85 yen təşkil edib ki, bu da yanvarın ortalarından bəri ən aşağı səviyyədir.

05.08.2024 11:24