Xidmət səviyyəsinin yaxşı və aşağı olduğu sığorta şirkətləri - SİYAHI

Xidmət səviyyəsinin yaxşı və aşağı olduğu sığorta şirkətləri - SİYAHI

Xidmət səviyyəsinin yaxşı və aşağı olduğu sığorta şirkətləri - SİYAHI

Azərbaycan Mərkəzi Bankı İyul 2023 – İyun 2024 dövrü üzrə Avto-icbari sığorta üzrə şikayət indeksini açıqlayıb.

Marja.az İndeksə istinadən xəbər verir ki, yuxarı şikayət indeksində "Xalq Sığorta" ASC, "Bakı Sığorta" ASC, orta şikayət indeksində “Paşa Sığorta” ASC, "AtaSığorta" ASC, aşağı şikayət indeksində “Atəşgah Sığorta” ASC, "Meqa Sığorta" ASC, "Qala Sığorta", "Azərbaycan Sənaye Sığorta" ASC yer alıb.

VTB-də minimal faiz dərəcəsi ilə nağd kredit 10.49%-dən

Avto-icbari sığorta üzrə şikayət indeksi vətəndaşların bu növ üzrə sığorta xidmətlərini əldə edərkən seçim etmələrinə dəstək göstərilməsi məqsədilə hesablanılır və yayımlanır. Şikayət indeksinin hesablanmasında beynəlxalq səviyyədə istifadə olunan metodologiyaya əsaslanaraq avto-icbari sığorta növü üzrə lisenziyası aktiv olan sığorta şirkətləri ilə bağlı daxil olan şikayətlər nəzərə alınmışdır. Eyni zamanda avto-icbari sığorta növünün aparılması üzrə verilən icazənin ləğv edilməsi yolu ilə lisenziyasının qüvvəsi məhdudlaşdırılmış və lisenziyası ləğv olunmuş sığorta şirkətləri ilə bağlı şikayətlərin tənzimlənməsi Mərkəzi Bank tərəfindən əvvəlki qaydada davam etdirilir.

Şikayət indeksinin metodologiyası: Müvafiq şikayət indeksinin hesablanması üçün aşağıdakı düsturdan istifadə olunmuşdur:

Şikayət indeksi = Şikayətlər üzrə bazar payı /Bağlanan müqavilələr üzrə bazar payı

Şikayətlər üzrə bazar payı - müvafiq sığortaçı üzrə şikayətlərin ümumi şikayətlərə nisbəti,

Bağlanılan müqavilələr üzrə bazar payı – müvafiq sığortaçı üzrə bağlanan müqavilələrin sayının ümumi müqavilələrin sayına nisbəti.

Şikayət indeksinin izahı: İndeksin 1.00-dən aşağı olması həmin portfel üzrə xidmət səviyyəsinin digər şirkətlərlə nisbətdə yaxşı olduğunu, lakin 1.00-i üstələməsi xidmət səviyyəsinin digər şirkətlərə nəzərən aşağı olduğunu göstərir.