Naxçıvanda “Hərracların Təşkili Mərkəzi” publik hüquqi şəxsin hədəf və missisiyası açıqlanıb

Naxçıvan Muxtar Respublikası İqtisadiyyat Nazirliyindən Marjaya verilən məlumata görə, tədbirdə Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidmətinın rəis müavini, rəsi vəzifələrini müvəqqəti icra edən Müslüm Cabbarzadə xidmətin hərraclar vasitəsi ilə satışı sahəsindəki funksiyalarını Naxçıvan Muxtar Respublikası Ali Məclisi sədrinin 2024-cü il 9 fevral tarixli Fərmanı ilə yaradılmış “Hərracların Təşkili Mərkəzi” publik hüquqi şəxsin həyata keçirdiyini qeyd edib.

Mərkəzin missiyasının dövlət sifarişi əsasında dövlət əmlakının, dövlətə məxsus olan hüquqi şəxslərin, dövlət nəfinə keçməklə müsadirə olunan, üzərinə həbs qoyulan dövlət əmlakının, dövlət mülkiyyətinə keçirilən əmlakların, eləcə də bələdiyyə torpaqlarının müraciət əsasında hərraclarda satışı olduğu bildirilib.

Hərrac iştirakçıları üçün şəffaf və rəqabətli hərracların keçirilməsi qarşıya qoyulan hədəflərdən olduğu vurğulanıb.

Yaxın gələcəkdə elektron hərracın tətbiqi ilə hərracların tamamilə elektron müstəviyə keçirilməsi nəzərdə tutulub.

Naxçıvanda keçirilən hərracların əhatə dairəsi genişlənib

Müxtəlif növ dövlət və qeyri-dövlət əmlaklarının satışı üzrə hərracların keçirilməsi üçün Hərracların Təşkili Mərkəzində müvafiq hazırlıq işləri başa çatdırılıb. Naxçıvan Muxtar Respublikası Ədliyyə Nazirliyinin şəhər (rayon) icra və probasiya şöbə və bölmələri, Naxçıvan Muxtar Respublikası Ekologiya və Təbii Sərvətlər Nazirliyinin tabeliyində  “Geodeziya və  Mineral Xammal Ehtiyatlarından İstifadə Agentliyi” publik hüquqi şəxsi, Azərbaycan Respublikası Dövlət Gömrük Komitəsinin Naxçıvan Baş Gömrük İdarəsi və müvafiq bələdiyyələrlə müqavilələr bağlanılıb.

Naxçıvanda keçirilən hərraclar ilə http://emlak.nakhchivan.az/ rəsmi internet saytında müsabiqələr və hərraclar bölməsinə daxil olmaqla tanış olmaq mümkündür. Cari ay üzrə növbəti hərraclar 11,16 və 18 iyul tarixlərində keçiriləcək.