İran və Rusiyanın mərkəzi bankları arasında bağlanan milli valyutalarla svop sazişi rubl və rialın möhkəmlənməsinə, həmçinin dolların qarşılıqlı hesablaşmalardan kənarda qalmasına töhfə verəcək.

Marja xəbər verir ki, bu fikri İran Mərkəzi Bankının sədr müavini Möhsün Kərimi bölüşüb.

“İki mərkəzi bank arasında bağlanan saziş iki ölkə arasında pul kütləsinin mübadiləsi üçün bir kanaldır, bu, de-dollarizasiya və sanksiyaların azaldılmasına yönəlmiş bir yanaşmadır və başqa sözlə, bu tədbir sanksiyalara məruz qalmır, hər iki ölkənin milli valyutalarına heç bir sanksiya təsir etməyəcək”, - deyə o bildirib.

Kərimi qeyd edib ki, bütün ölkələr uzun müddət dollarla ticarət aparsalar da, “son zamanlar bəzi müstəqil dövlətlər dollar və avrodan imtina edərək milli valyutalara keçiblər”. Onun sözlərinə görə, xarici ticarətdə dollardan istifadə risklərlə doludur. Bu baxımdan İran sanksiyalara məruz qalan ölkə kimi bu riskləri minimuma endirmək üçün ikitərəfli valyuta müqavilələri bağlamağa başlayıb.

Onun sözlərinə görə, belə infrastruktur mövcud olduqda, hər iki ölkənin “dollar və ya avrodan istifadə etməsinə ehtiyac qalmayacaq” və iranlı ixracatçılar ofşor adlanan əməliyyatlar nəticəsində əldə etdikləri rialı sərbəst şəkildə dollara və ya avroya çevirə biləcəklər. İran Mərkəzi Bankının sədr müavini: “Bu, İran ixracatçılara Rusiya ilə ticarət etmək üçün yaxşı stimul olacaq”.

Valyuta svopu hər iki tərəfin valyuta bazarında satın almadan başqa ölkənin valyutasında likvidliyə çıxış əldə etdiyi alətdir.

İyulun 6-da İran Mərkəzi Bankının rəhbəri Məhəmməd Rza Fərzin bildirib ki, iyulun 4-də Sankt-Peterburqa səfəri zamanı Rusiya Bankının sədri Elvira Nabiullina ilə görüşüb və saziş imzalanıb. Onun sözlərinə görə, yaxın vaxtlarda “Shetab” sahibləri Rusiya mağazalarında İran bank kartı ilə alış-veriş haqqını ödəyə, ruslar isə İranda “Mir” kartlarından istifadə edə biləcəklər.