Bu halda sahibkara faiz subsidiyasının ödənilməsi ləğv edilməyəcək

Bu halda sahibkara faiz subsidiyasının ödənilməsi ləğv edilməyəcək

Bu halda sahibkara faiz subsidiyasının ödənilməsi ləğv edilməyəcək

Bu gün Azərbaycan Respublikası Prezidentinin imzaladığı fərman ilə, “Sahibkarlara kredit təşkilatlarından manatla aldıqları kreditlər üzrə Azərbaycan Respublikasının Sahibkarlığın İnkişafı Fondu vasitəsilə faiz subsidiyalarının verilməsi Qaydası”nın 5.3.4-cü yarımbəndi ləğv edilib.

Marja.az xəbər verir ki, bu barədə Azərbaycan Prezidenti Fərman imzalayıb.

VTB-də minimal faiz dərəcəsi ilə nağd kredit 10.49%-dən

Belə ki, Qaydaların 5-ci bəndi faiz subsidiyasının ödənilməsinin dayandırılması və ləğvi barədədir. Qeyd edilib ki, faiz subsidiyasının ödənilməsinə dair kredit təşkilatının Fonda müraciət tarixinə 1 iş günü qalanadək sahibkarın həmin kredit təşkilatında olan hesabı üzərində məhkəmənin qanuni qüvvəyə minmiş qərarı ilə, habelə qanunla müəyyənləşdirilmiş və ya bankla sahibkar arasında müqavilədə nəzərdə tutulmuş hallarda pul vəsaitinin silinməsinə dair müvafiq sərəncam olduqda, həmin borc tam məbləğdə ödənilənədək (öhdəlik yerinə yetirilənədək) faiz subsidiyasının ödənilməsi dayandırılır.

Bundan sonra, müqavilə üzrə ödənişlərinin icrası 90 gündən çox gecikən krediti restrukturizasiya olunduğu halda sahibkara faiz subsidiyasının ödənilməsi ləğv edilməyəcək. İndiyədək müqavilə üzrə ödənişlərinin icrası 90 (doxsan) gündən çox gecikən krediti restrukturizasiya olunduqda sahibkara faiz subsidiyasının ödənilməsi ləğv edilirdi.

“Sahibkarlara kredit təşkilatlarından manatla aldıqları kreditlər üzrə Azərbaycan Respublikasının Sahibkarlığın İnkişafı Fondu vasitəsilə faiz subsidiyalarının verilməsi Qaydası” Azərbaycan Respublikası Prezidentinin 2024-cü il 1 fevral tarixli 2461 nömrəli Fərmanı ilə təsdiq edilib.

27.05.2024 16:48