Çinin hava yolu şirkəti AirChina, Çinin Kommersiya Təyyarə Korporasiyası (COMAC) tərəfindən istehsal edilən 100 ədəd "C919" tipli yerli sərnişin təyyarəsi alacağını açıqlayıb.

Marja.az xbər verir ki, Şirkət Şanxay Birjasına etdiyi bildirişdə100 yeni orta məsafəli sərnişin təyyarəsi sifariş etdiyini qeyd edib.

AirChina, təyyarələrin 2024-2031-ci illər arasında çatdırılması planlaşdırılan C919-ların hər biri üçün 108 milyon dollar ödəmək barədə razılığa gəlib.

Maraqlıdır ki, müqavilədə yeni buraxılan C919 üçün ilk satışlarından daha yüksək qiymət müəyyən edilib.

AirChina 25 dekabr 2023-cü ildə COMAC-dan 6 ədəd C919 və 11 ədəd qısa məsafəli regional ARJ21 sərnişin təyyarəsi sifariş etdiyini açıqlamışdır.

Digər dövlət aviaşirkəti China Eastern, COMAC ilə 2021-ci ildə hər biri 99 milyon dollara 5 ədəd C919 almaq barədə razılığa gəlib.

C919-un ilk tədarükü 9 dekabr 2022-ci ildə edilib, təyyarə Şanxay və Pekin arasında ilk kommersiya uçuşunu 28 may 2023-cü ildə edib.

China Eastern 28 sentyabr 2023-cü ildə 2024 və 2031-ci illər arasında təhvil veriləcək daha 100 ədəd C919 almağa razılaşdıqlarını açıqlayıb.

Çinin ilk yerli istehsal orta məsafəli sərnişin təyyarəsi

Çinin ilk yerli istehsal olan orta məsafəli sərnişin təyyarəsi "C919", "Boeing 737" və "Airbus 320" model sərnişin təyyarələrinin ekvivalenti kimi dizayn edilmişdir.

Təyyarə ilk sınaq uçuşunu 14 may 2022-ci ildə edib və 30 sentyabr 2022-ci ildə uçuş üçün yararlılığını təsdiq edən lisenziyanı, 30 noyabr 2022-ci ildə isə kütləvi istehsal lisenziyasını alıb.

Dünyada mülki aviasiya sektorunda ən çox istifadə edilən təyyarə növü olan “orta məsafəli” sərnişin təyyarəsinin istifadəyə verilməsi ilə ABŞ-ın və Fransanın (Boeing və Airbus şirkətləri) hakim olduğu qlobal sərnişin təyyarələri bazarında Çinin də pay sahibi ola biləcəyi qiymətləndirilir.

2008-ci ildə COMAC tərəfindən hazırlanmağa başlayan "C919" ölkənin xarici asılılığını azaltmağı hədəfləsə də, reaktiv mühərrik və idarəetmə proqramı kimi mühüm komponentlər General Electric və Honeywell kimi ABŞ şirkətləri tərəfindən istehsal edildiyi üçün tamamilə yerli deyil.