FED faiz qərarını açıqladı

FED faiz qərarını açıqladı

Mart ayı toplantısında FED uçot dərəcəsini dəyişməyərək 5,25-5,50 faiz səviyyəsində saxlayıb. FED 2024-cü ildə 0,75 bənd faiz endirimi gözləyir.

ABŞ Mərkəzi Bankı (Federal Ehtiyat Sistemi, FED) faiz qərarını açıqladı.

Marja.az xəbər verir ki, gözlənildiyi kimi FED faizlərini 5.25%-5.50% aralığında sabit saxladı.

VTB-də minimal faiz dərəcəsi ilə nağd kredit 9.9%-dən

Bazarlarda da FED-in faiz dərəcələrini dəyişməz saxlayacağı gözlənilirdi. FED ötən ilin iyul ayından bəri faiz dərəcələrini dəyişməyib.

Saat 22:30-da FED sədri Jerome Powellin mətbuat konfransında faiz endiriminin vaxtı ilə bağlı mesajları izləniləcək.

FED 2024-cü ildə 0,75 faiz bəndi faiz endirimi proqnozunu saxlayıb. Bu nisbətdə endirimin 3 iclasda, hər brində 0,25 faiz bəndi olmaqla həyata keçiriləcəyi nəzərdə tutulur.

ABŞ Mərkəzi Bankı inflyasiyanın davamlı olaraq 2% hədəfinə yaxınlaşdığına daha çox inam yaranana qədər faiz dərəcələri diapazonunun azaldılmasını məqsədəuyğun hesab edib.

FED, 2024-cü ildə ABŞ-ın iqtisadi artımı üzrə proqnozu 1,4 faizdən 2,1 faizə yüksəldib. 2025-ci il üçün proqnoz isə 1,8 faizdən 2 faizə qaldırılıb. FED 2024-cü il üçün ABŞ-da inflyasiya gözləntisini 2,4 faiz səviyyəsində saxlayıb. 2025-ci il üçün isə onu 0,1 faiz bəndi artıraraq 2,2%-ə çatdırıb. Baza inflyasiya proqnozu 2024-cü il üçün 2,4 faizdən 2,6 faizə yüksəldilib. 2024-cü il üçün işsizlik nisbəti proqnozu 4,1 faizdən 4 faizə endirilib.

Bazarlar FED-in bu qərarına kəskin rekasiya verməyib. Qızıl və Avro bahalaşamaqda, neft ucuzlaşmaqdadır.

FED faizləri azaltmağa başladıqda qızılın daha da bahalaşacağı, dolların dünya valyutaları qarşısında ucuzlaşacağı gözlənilir.

FED 2022-ci ilin mart ayından ötən ilin iyul ayınadək faiz dərəcələrini 11 dəfədə cəmi 5,25 faiz bəndi artırıb.

Pauell-dən açıqlamalar

FED sədri Jerome Powell mətbuat konfransında inflyasiyanın əhəmiyyətli dərəcədə azaldığını, lakin hələ də yüksək olduğunu bildirib. Pauell bildirib ki, bu il hansısa nöqtədə faizləri azaltmağa başlamaq məqsədəuyğun ola bilər.

20.03.2024 21:58