2024-cü  il 1 yanvar  tarixinə dövlət zəmanətli borcun məbləği (daxili  vəxarici  borc) 11 milyard 434,4 milyon  manat  və ya  2023-cü  il  üzrə ÜDM-in 9,3 faizini təşkil etmişdir. 

Marja.az xəbər verir ki, bu “Dövlət Borcu üzrə Statistik Bülleten”də bildirilir.

Qeyd edilib ki, dövlət zəmanətinin 10 milyard 208,8 milyon manatı  (6 milyard 5,2  milyon  ABŞ dolları) və ya 89,3 faizi  xarici  kreditlərin, 1 milyard 225,6 milyon manatı vəya 10,7 faizi isə daxili kreditlərin payına düşüb.

Xarici   dövlət  zəmanətli  borcun 4 milyard 440 milyon ABŞ dollarını və ya  73,9  faizini (7 milyard 548 milyon manatı) Cənub Qaz Dəhlizi QSC-nin öhdəlikləri üzrə verilmiş dövlət zəmanəti təşkil edir.

1  yanvar  2024-cü  il  tarixinə dövlət zəmanətli borc portfelinin valyuta  tərkibi  aşağıdakı kimi olmuşdur:

ABŞ dolları – 64,1 faiz,

avro – 22,2 faiz, 

manat – 7,1 faiz,

yapon  yeni  – 4,2 faiz,

digər valyutalar – 2,3 faiz .

Dövlət  zəmanətli borcun 68,8 faizi  5  ilə qədər olan  müddətdə, 17,4 faizi  5  ildən 10  iləqədər olan  müddətdə, 13,8 faizi  isə 10  ildən yuxarı olan  müddətdə kreditorlara qaytarılmalıdır.

Dövlət  zəmanəti - əsas  borcalan  götürdüyü  borcu  borcverənlə razılaşdırılmış  qaytarılma şərtlərinə və müddətə uyğun olaraq borcverən əqaytarmadıqda, həmin  borc  üzrə öhdəliklərin borcverən qarşısında tam və ya  qismən  yerinə yetirilməsinə dair  Azərbaycan Respublikasının qanunvericiliklə müəyyənləşdirilmiş qaydada üzərinə götürdüyü maliyyə öhdəliyidir. 

Qeyd edək ki, 2024-cü  il  1  yanvar  tarixinə Azərbaycan Respublikasının dövlət  borcu  (daxili  vəxarici  borc) 26 milyard 850,4  milyon  manat  və ya  2023-cü  il  üzrə ÜDM-in  21,8 faizini  təşkil etmişdir. Ümumi  dövlət borcunun 10 milyard 984 milyon manatı (6 milyard 461,2 milyon ABŞ dolları) vəya  40,9  faizi  xarici  dövlət borcunun, 15 milyard 866,4 milyon manatı və ya 59,1 faizi daxili dövlət borcunun payına düşür.