Qlobal bazarlarda son vəziyyət - GÜNƏ BAXIŞ

Qlobal bazarlarda son vəziyyət - GÜNƏ BAXIŞ

Qlobal bazarlarda son vəziyyət - GÜNƏ BAXIŞ

Dünən axşam ABŞ-da makroiqtisadi statistikanın dərcindən sonra, dollar major valyutalar qarşısında bir qədər bahalaşıb. Dollar indeksi (ABŞ-ın ticarət tərəfdaşı olan altı ölkənin valyuta səbətinə nisbətdə məzənnə) 0.07% artaraq 103.9 bənd təşkil edib.

ABŞ-da "CB" İstehlakçı Güvəni İndeksi (The Conference Board) fevral ayında 110.9 bənd səviyyəsindən 106.7 bənd səviyyəsinə qədər enib. Analitiklər isə əksinə, göstəricinin artacağını proqnozlaşdırmışdılar.

VTB-də yüksək depozit faizləri daha çox qazandırır

Bugün ABŞ-da dördüncü rüb üzrə ÜDM göstəricisinin aralıq proqnozları dərc olunacaq. Ölkənin Ticarət Nazirliyinin illik müqayisədə artım tempinə dair proqnozunu 3.3% səviyyəsində saxlayacağı ehtimal edilir. Qeyd olunan statistik məlumatlar investorlara ABŞ Federal Ehtiyatlar Sisteminin (FED) monetar siyasətinin mümkün istiqamətləri haqqında ipucular verə bilər. Hazırda “CME Group”-un məlumatına əsasən, ekspertlərin 53%-i uçot faiz dərəcəsinin iyun toplantısından sonra azaldılacağını proqnoz edirlər.

Həmçinin açıqlanan məlumatların fonunda, ABŞ-ın əsas fond indekslərində aydın bir tendensiya izlənilmir. Dünən “Dow Jones” sənaye indeksi 0.28% azalaraq 38 958.36 bənd, “NASDAQ” yüksək texnologiyalar indeksi 0.14% artaraq 15 997.96 bənd təşkil edib. “S&P 500” geniş bazar indeksi bir qədər artaraq 5 069.59 punkta çatıb.

Amerika Neft İnstitutunun (API) ABŞ-ın kommersiya məqsədli neft ehtiyatlarının kəskin artması ilə bağlı məlumatlarının dərcindən sonra, çərşənbə günü səhər dünya birjalarında neft qiymətləri eniş tendensiyasını göstəriblər. “Brent” markalı neftin bir barel üçün may fyuçerslərinin qiyməti 0.4% ucuzlaşaraq 82.33$-a, “WTI” markalı neftin bir barel üçün aprel fyuçerslərinin qiyməti isə 0.43% ucuzlaşaraq 78.53$-a düşüb. Qeyd etmək lazımdır ki, qurum çərşənbə günü gecə ölkənin kommersiya məqsədli neft ehtiyatlarının fevralın 23-də bitən həftə üçün 8.4 milyon barrel artdığını bildirdi.

Məlumat İnvest-AZ Investisiya Şirkətinin analitikləri tərəfindən hazırlanıb.

28.02.2024 10:37

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az