Gəncədə sənaye parkının yaradılması nəzərdə tutulur

Gəncədə 10 il müddətinə vergilərin olmadığı ərazi yaradılacaq.

Gəncədə sənaye parkının yaradılması nəzərdə tutulur

Bu il həmçinin, ölkədə daha bir sənaye parkının Gəncə şəhərində yaradılması nəzərdə tutulur.

Marja.az xəbər verir ki, bu barədə İqtisadi Zonaların İnkişafı Agentliyindən bildirilib.

VTB-də minimal faiz dərəcəsi ilə nağd kredit 10.49%-dən

Hazırda İqtisadiyyat Nazirliyi tərəfindən sənaye parkının yerləşəcəyi ərazinin, prioritet istiqamətlərinin və s. məsələlərin dəqiqləşdirilməsi istiqamətində işlər görülür. Sənaye parkının əsas fəaliyyət istiqaməti kimi metallurgiya klasterinin yaradılması, avtomobil sənayesinin daha da inkişafı ilə lokalizasiyanın artırılması, tikinti materialları sənayesinin (kərpic, keramika, çınqıl və qum, üzlük daşı və s.), yüngül sənayenin (o cümlədən, xalça, gön-dəri, toxuculuq və s.), qida sənayesinin (meyvə-tərəvəz məhsullarının konservləşdirilməsi, quşçuluq, süd və ət məhsulları, qurudulmuş və dondurulmuş meyvə, günəbaxan yağı istehsalı və s.), yeni logistika və ticarət mərkəzlərinin yaradılması və s. sahələrin müəyyənləşdirilməsi nəzərdə tutulur.

Hazırda İqtisadi Zonaların İnkişafı Agentliyi Agentliyin idarəçiliyində 6 sənaye parkı (Sumqayıt Kimya Sənaye Parkı, Pirallahı Sənaye Parkı, Qaradağ Sənaye Parkı, Ağdam Sənaye Parkı, "Araz Vadisi İqtisadi Zonası" Sənaye Parkı, Mingəçevir Sənaye Parkı), 4 sənaye məhəlləsi (Hacıqabul Sənaye Məhəlləsi, Masallı Sənaye Məhəlləsi, Neftçala Sənaye Məhəlləsi, Sabirabad Sənaye Məhəlləsi), 51 aqropark və Peşə Təhsil Mərkəzi fəaliyyət göstərir.

Sənaye parklarının rezidentləri qeydiyyata alındığı tarixdən 10 il müddətinə əmlak vergisi, torpaq vergisi, mənfəət vergisi, idxal olunan texnika, texnoloji avadanlıqlar və qurğulara görə ƏDV-dən azad olunurlar. Bundan əlavə, sənaye parklarının rezidentləri idxal olunan texnika, texnoloji avadanlıqlar və qurğulara görə 10 il müddətinə gömrük rüsumlarından azad olunurlar.

19.02.2024 12:05