“Food City Aqrokompleks” ilə “SGS Azerbaijan” arasında memorandum imzalandı

“Food City Aqrokompleks” ilə “SGS Azerbaijan” arasında memorandum imzalandı

“Food City Aqrokompleks” ilə “SGS Azerbaijan” arasında memorandum imzalandı

İdxal-ixrac əməliyyatlarının “Bir pəncərə” prinsipi ilə rəsmiləşdirilməsi, logistika, broker, tranzit, saxlanc və s. çoxsaylı xidmətlər üzrə ixtisaslaşmış “Food City Aqrokompleks” ilə beynəlxalq sertifikatlaşdırma və inspeksiya şirkəti “SGS Azerbaijan” arasında əməkdaşlıq memorandumunun imzalanması mərasimi keçirilib.

Tədbirdə “Food City Aqrokompleks”-in baş icraçı direktoru Anar Ağayev, “SGS Azerbaijan” şirkətinin direktoru Seymur Ağayev və hər iki şirkətin nümayəndələri iştirak ediblər.

Baş icraçı direktor Anar Ağayev tədbir iştirakçılarına “Food City Aqrokompleks”-in fəaliyyəti, strateji əhəmiyyəti, göstərilən xidmətlər və gələcək planlar barədə ətraflı məlumat verib. Aqrokompleksin fəaliyyətində daima ən yaxşı nəticənin hədəfləndiyini və bu istiqamətdə innovativ yeniliklərə və səmərəli əməkdaşlıqlara xüsusi əhəmiyyət verildiyini qeyd edib.

“SGS Azerbaijan” şirkətinin direktoru Seymur Ağayev isə çıxışında memorandum əsasında iki şirkət arasında başlanılan əməkdaşlığın yeni imkanlar vəd etdiyini, bu imkanların hər iki şirkət üçün səmərəli olacağına əminliyini vurğulayıb.

Çıxışlardan sonra “Food City Aqrokompleks”-in baş icraçı direktoru Anar Ağayev və “SGS Azerbaijan” şirkətinin direktoru Seymur Ağayev memorandum sənədini imzalayıblar.

Sənədə əsasən, nəqliyyat vasitəsilə daşınan məhsulların yoxlanışına xüsusi diqqət yetirməklə inspeksiya xidmətlərinin həyata keçirilməsi, keyfiyyət və kəmiyyət yoxlamalarının aparılması, anbar təftişi, fumiqasiya üzrə müşahidənin təşkili, analitik xidmətlərin göstərilməsi və digər sahələr üzrə əməkdaşlıq edilməsi nəzərdə tutulub.

Memorandum imzalayan şirkətlərin fəaliyyət istiqamətləri barədə ətraflı məlumat əldə etmək üçün rəsmi veb-saytlara keçid edə bilərsiniz:

Food City Aqrokompleks - https://foodcity.az

SGS Azerbaijan - https://www.sgs.com/en-az