Azərbaycanın ilk vençur fondu 15 startapa 1,3 milyon dollar maliyyə dəstəyi göstərib

Azərbaycanın ilk vençur fondu 15 startapa 1,3 milyon dollar maliyyə dəstəyi göstərib

Azərbaycanın ilk vençur fondu 15 startapa 1,3 milyon dollar maliyyə dəstəyi göstərib

Azərbaycanın ilk vençur fondu olan “Caucasus Ventures” fəaliyyətə başladığı dövrdən bu yana, yəni bir il ərzində 15 startapa 1 milyon ABŞ dollardan çox (təqribən 1.3 milyon dollar) dəyərində maliyyə dəstəyi göstərilib.

Bunu Rəqəmsal İnkişaf və Nəqliyyat Nazirliyi yanında İnnovasiya və Rəqəmsal İnkişaf Agentliyinin sədri İnarə Vəliyeva bildirib.

VTB-də minimal faiz dərəcəsi ilə nağd kredit 9.9%-dən

"Dünya təcrübəsinə nəzər salmış olsaq, normalda bir fondun il ərzində 5-6 startapa maliyyə dəstəyi göstərəcəyi gözlənilir. Bununla belə bu gün biz əlavə maliyyə dəstəyi mexanizmlərin də inkişaf etdirilməsi yönündə çalışırıq. “Caucasus Ventures” fondundan başqa bura “Technovate-Sabah” və LTC mələk investorlar klubları daxildir.

Məsələn, 90 nəfərdən çox təlimdən keçirsə onların bir hissəsi investisiya etməyə başladıqda başlanğıc mərhələsində olan strataplar investisiya ala biləcək. Çünki “Caucasus Ventures” fondu təxminən 50-100 min ABŞ dolları dəyərində investisiya edir. Yəni ondan daha az olduğu təqdirdə başlanğıc mərhələdə olan startaplara investisiya almaq mümkün olsa da, kifayət qədər çətindir. Paralel olaraq 100 min ABŞ dollarından yuxarı investisiya almaq mexanizmləri də nəzərdən keçirilir. Bu maliyyələşmə mexanizmi üzrə ortaq ola biləcəyimiz xarici fondların müəyyən olunması və Azərbaycana gətirilməsi yönündə düşüncələrimiz var",- İnarə Vəliyeva deyib.

Agentliyinin sədri qeyd edib ki, Azərbaycanda 220 aktiv startap mövcuddur: "Bizim gözləntilərimizə görə 2026-cı ilə kimi aktiv startapların sayı 500-ə çatacaq. Startapların sayının artması birbaşa olaraq MVP-lərin (Minimum İşlək Məhsulun) sayına bağlıdır. Hazırda MVP-li startapların sayı 105-ə yaxındır. Bu il üçün isə hədəfimiz 115 işlək yeni MVP-nin bazara çıxarılmasıdır".

02.02.2024 14:34