“Fitch” “Cənub Qaz Dəhlizi” QSC-nin avrobondlarının reytinqini təsdiqləyib

“Fitch” “Cənub Qaz Dəhlizi” QSC-nin avrobondlarının reytinqini təsdiqləyib

“Fitch” “Cənub Qaz Dəhlizi” QSC-nin avrobondlarının reytinqini təsdiqləyib

“Fitch Ratings” beynəlxalq reytinq agentliyi “Canub Qaz Dəhlizi” QSC-nin (CQD) avrobondlarına verilən uzunmüddətli xarici valyuta reytinqini “BB+” səviyyəsində təsdiqləyib.

Bu barədə Agentliyin yaydığı məlumatda bildirilir.

VTB-də minimal faiz dərəcəsi ilə nağd kredit 10.49%-dən

Məlumata görə, təsdiq “Fitch”in CQD-nin Azərbaycan Respublikası tərəfindən tam təminatlı 2026-cı ildə ödəmə müddəti başa çatan 2 milyard ABŞ dolları həcmində avrobondlarına dair dəyişməz mövqeyini əks etdirir (BB+/Pozitiv).

Qeyd olunur ki, reytinq Azərbaycanın istiqraz sahiblərinə verilən zəmanətləri tam və vaxtında yerinə yetirmək öhdəliyi götürdüyü faktını əks etdirir.

Xatırladaq ki, Avropa bazarlarına Azərbaycan qazının çatdırılmasını təmin etmək üçün, Azərbaycan Respublikasının Prezidenti 29 oktyabr 2013-cü il tarixində Şahdəniz qaz-kondensat yatağının tammiqyaslı işlənilməsi (“SD2”), Cənubi Qafqaz Boru Kəməri sisteminin genişləndirilməsi (“SCPX”), Trans-Anadolu Boru Kəməri (“TANAP”) və Trans-Adriatik Boru Kəməri (“TAP”) layihələrinin (birlikdə “Layihələr”) səmərəli şəkildə həyata keçirilməsi ilə bağlı dövlət tərəfindən nəzarət və hərtərəfli kömək göstərilməsini təmin etmək məqsədi ilə Dövlət Komissiyası yaradılması haqqında sərəncam imzalayıb.

Azərbaycan Respublikasının Prezidenti 25 fevral 2014-cü il tarixində Layihələr üzrə Dövlətə məxsus payların konsolidasiya edilməsi, idarə olunması və maliyyələşdirilməsi məqsədilə “Cənub Qaz Dəhlizi” QSC-nin yaradılması haqqında sərəncam imzalamışdır. CQD Dövlət (Azərbaycan Respublikasının İqtisadiyyat Nazirliyi) (51%) və SOCAR-ın (49%) təsisçiliyi ilə 31 mart 2014-cü il tarixində yaradılıb.

Yuxarıda qeyd olunan sərəncama uyğun olaraq, SOCAR-ın Layihələr üzrə bütün iştirak payları CQD-yə ötürülüb və bu payların maliyyələşdirilməsi CQD tərəfindən həyata keçirilir.

CQD adından Layihələr üzrə əməliyyat işlərini SOCAR həyata keçirir.

01.02.2024 11:42

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az