Qlobal bazarlarda son vəziyyət - GÜNƏ BAXIŞ

Qlobal bazarlarda son vəziyyət - GÜNƏ BAXIŞ

Qlobal bazarlarda son vəziyyət - GÜNƏ BAXIŞ

Dünən ABŞ Federal Ehtiyatlar Sisteminin (FED) dərc etdiyi ölkədəki iqtisadi vəziyyətlə bağlı şərhlərinin xülasəsi olan “Bej Kitab”-a (The Beige Book) görə, noyabr-dekabr aylarında ABŞ-da iqtisadi fəallıq çox az dəyişib və ya heç dəyişməyib.

Yeddi əyalət ümumi məşğulluq səviyyələrində az və ya heç bir dəyişiklik olmadığını, altı əyalət cüzi və ya orta səviyyədə qiymət artımının olduğunu bildirib. Beş əyalət isə qiymət artımının əvvəlki dövrlə müqayisədə bir qədər yavaşladığını göstərib. Əksər əyalətlərdəki şirkətlər, xüsusilə istehsal və tikinti sahələrində giriş qiymətlərinin sabit qaldığını və ya azaldığını açıqlayıb.

Dərc olunan məlumatlar fonunda dollar günün əvvəlində major valyutalar qarşısında bir qədər ucuzlaşsa da Amerika sessiyasında yenidən bahalaşaraq mövqelərini qismən qoruya bildi. Ötən gün dolların bahalaşması ilə qızıl 2000$ səviyyələrinə qədər eniş göstərdi. Hal-hazırda dəyərli metal 2006$ səviyyəsində ticarət olunur.

Amerikanın Neft İnstitutunun həftəlik neft ehtiyatları ilə bağlı proqnozlarından sonra neftin qiyməti 78.20$ səviyyəsində qərarlaşıb. İnvestorlar bugün Bakı vaxtı ilə saat 20:00-da ABŞ-da açıqlanacaq həftəlik neft ehtiyatları ilə bağlı xəbəri diqqətlə izləyəcəklər.

Həmçinin bugün ABŞ-da Filadelfiya FED tərəfindən açıqlanacaq iqtisadi göstəricilər və Əmək Nazirliyinin dərc edəcək İlk dəfə İşsizlik Müavinətı üçün Müraciətlərin Sayındakı Dəyişikliklər göstəricisi diqqət mərkəzində olacaq əsas xəbərlərdir.

Məlumat İnvest-AZ İnvestisiya Şirkətinin analitikləri tərəfindən hazırlanıb.

18.01.2024 10:49

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az