"İkinci əl telefon biznesini Azərbaycana yeni formatda gətiririk"

"İkinci əl telefon biznesini Azərbaycana yeni formatda gətiririk"

“Nar”ın bir sıra planları açıqlandı

"İkinci əl telefon biznesini Azərbaycana yeni formatda gətiririk"

Azərbaycanın mobil operatoru "Nar"ın Satış departamentinin direktoru Fariz Cəfərov Şirkətin bir sıra planlarını açıqlayıb.

Bildiyiniz kimi “Nar”ın baş ofisi Bakıda yerləşir. Bu da bölgələrdə olan sahibkarlar üçün sənədləşmədə çətinlik yaradırdı.

VTB-də yüksək depozit faizləri daha çox qazandırır

"Onlar müqavilə bağlanması üçün hər dəfə Bakıya gəlirdilər. Artıq buna ehtiyac qalmayacaq. Çünki fərdi sahibkarlar üçün sadələşdirilmiş müqavilə tipləri hazırladıq. VÖEN-i olan istənilən sahibkarımız olduğu regionda müştəri xidmətlərinə yaxınlaşıb rahat şəkildə biznesi üçün nömrələr əldə edə biləcək.

Bundan başqa, dövlət qurumlarında illərdir işləyən şəxslər var. Onlar iş və şəxsiyyət vəsiqələrini təqdim etməklə istənilən müştəri xidmətinə yaxınlaşıb özləri və ailə üzvləri üçün xüsusi seçilmiş paketlər çərçivəsində nömrələr əldə edə biləcəklər",- Fariz Cəfərov bildirib..

Satış departamentinin direktoru qeyd edib ki, qarşıda böyük texnoloji yeniliklər gözlənilir:

"Bu səbəbdən telekommunikasiya sektorda fəaliyyət göstərən şirkətlər davamlı olaraq bazara müxtəlif xidmətlərlə çıxmağı planlamalıdır. Sırf GSM üzərindən xidmət vermək dövrü qapanıb. Müştərilərin tələbləri artdığı üçün telekom şirkətləri də bazara uyğunlaşmalıdır. Dünya təcrübəsində böyük telekommunikasiya şirkətləri dar çərçivə ilə kifayətlənmirlər, əksində, paralel xidmətləri də gətirirlər. Fintek, telefon satışları və s. istiqamətlərdə inkişaf yerləri axtarırlar. Xüsusən də, mobil telekom şirkətləri də buna istiqamətdə inkişaf etməlidirlər. Biz müştəri xidmətlərində telefon satışında artıq varıq. İkinci əl telefon biznesini də Azərbaycana yeni formatda gətiririk. Baxmayaraq ki, hazırda bu xidmətimizdən müştərilərimiz yararlana bilirlər, biz bu istiqaməti genişləndirməyi düşünürük və artıq bu yöndə fikirləri formalaşdırıb konkret adımlara keçirik. Ümumiyyətlə, bütün sahələrdə trendləri izləyib müştərilərin istəklərinə uyğun formada tətbiq etməyə hər zaman çalışmaq lazımdır".