Bakı Konqres Mərkəzi nüfuzlu beynəlxalq tədbirə ev sahibliyi edəcək

Bakı Konqres Mərkəzi nüfuzlu beynəlxalq tədbirə ev sahibliyi edəcək

Bakı Konqres Mərkəzi nüfuzlu beynəlxalq tədbirə ev sahibliyi edəcək

Maliyyə Nazirliyinin tabeliyindəki Bakı Konqres Mərkəzi Banqkokda keçirilən 62-ci Beynəlxalq Konqres və Konvensiya Assosiasiyası (ICCA) Konqresində namizədliyini irəli sürdüyü “ICCA Venue Business Workshop International 2024”-ün qalibi olub.

Maliyyə Nazirliyinin yaydığı məlumatda bildirilir ki, Bakı Konqres Mərkəzi 3-5 oktyabr 2024-cü il tarixlərində Beynəlxalq Konqres və Konvensiya Assosiasiyasının dünyanın müxtəlif ölkələrindən olan 15-ə yaxın üzvünü və onların müştərilərini bir araya gətirəcək beynəlxalq tədbirə ev sahibliyi edəcək. Tədbir çərçivəsində 121 işgüzar görüşün keçirilməsi nəzərdə tutulur.

VTB-də minimal faiz dərəcəsi ilə nağd kredit 10.49%-dən

ICCA dünyanın 100-ə yaxın ölkə və regionunda 1100-dən çox üzvü ilə beynəlxalq görüşlər və tədbirlərin idarə edilməsi və keçirilməsində aparıcı çətir təşkilatlarından biridir. Assosiasiya üzvləri arasında əməkdaşlığı və ünsiyyəti artırmaqla şəbəkələşmə, bilik mübadiləsi və biznesin inkişafı üçün əvəzolunmaz bir platforma rolu oynayır.

Qeyd edək ki, Assosiasiya tərəfindən təşkil edilən “ICCA Venue Business Workshop International” dünyanın hər yerindən peşəkarları, qərar qəbul etməkdə həlledici rolu olan şəxsləri və düşüncə liderlərini bir araya gətirən qlobal görüşlər sahəsində əlamətdar tədbirdir.

Bakı Konqres Mərkəzinin direktoru Ramin Qazızadə bildirib ki, Mərkəzin bu əhəmiyyətli tədbirin keçiriləcəyi məkan kimi seçilməsi, ölkəmizin beynəlxalq tədbirlərə ev sahibliyi etmək sahəsində özünə yetərincə müsbət imic qazandığının göstəricisidir. O qeyd edib ki, vörkşop tədbirlərin keçirilməsi üçün böyük əhəmiyyət kəsb edir, iştirakçılara bu sahənin qabaqcıl şəxsləri ilə əlaqə yaratmaq, fikir mübadiləsi aparmaq və yeni tendensiyaları araşdırmaq üçün fürsət yaradır.

10.01.2024 16:03