Qlobal bazarlarda son vəziyyət - GÜNƏ BAXIŞ

Qlobal bazarlarda son vəziyyət - GÜNƏ BAXIŞ

Qlobal bazarlarda son vəziyyət - GÜNƏ BAXIŞ

Ötən həftənin son ticarət günündə ABŞ-da FED-in inflyasiyanın gedişatını izləmək üçün yaxından təqib etdiyi Şəxsi İstehlak Xərclərinin Baza İndeksi (PCE) göstəriciləri açıqlandı. Hesabata görə, noyabr ayında PCE 3.2% artıb. Bu indeksin 2021-ci ilin aprelindən bəri illik əsasda ən kiçik artım olaraq qeyd edilə bilər. İqtisadçıların proqnozları 3.3%-lik artımın olacağı yönündə idi.

Eyni dövrdə şəxsi xərclərin artımı ehtimal ediləndən aşağı olmuşdur. Məlumata görə, noyabrda şəxsi xərclər 0.2% artıb. Proqnozlar isə 0.3% idi.

Analitiklər, FED-in inflyasiya göstəricisi olan Şəxsi İstehlak Xərclərinin Baza İndeksindəki yavaşlamanın inflyasiyanın aşağıya doğru getdiyinə işarə etdiyini və bankın gələn il faiz dərəcələrini azaltmağa başlayacağına dair ehtimalları gücləndirdiyini bildirib.

Həftə ərzində Avrozonada və İngiltərədə dərc olunan inflyasiya göstəricilərinin də ehtimalların altında qalmasına baxmayaraq, FED-in faiz endirimi ehtimalları məhz dolların daha çox zəifləməsinə səbəb oldu.

Nəticədə, Dolların altı valyuta səbəti qarşısında gücünü ölçən dollar indeksi geridə qoyduğumuz həftə ərzində 101.46 bəndə qədər gerilədikdən sonra, bir qədər bahalaşdı və həftəlik şamını 101.74 bənd səviyyəsində bağladı. Analitiklər hesab edirlər ki, DXY 103.50 bənd səviyyəsindəki müqavimət həddinin altında qaldığı müddətcə, dollarda eniş tendensiyası davam edə bilər.

Bazar ertəsi Noel şənlikləri ilə bağlı olaraq birjalar bağlı olduğu üçün cari həftənin ilk ticarət günü bu gündür.

Qeyd edək ki, Yeni il tətili ilə əlaqədar olaraq cari həftə ərzində ticarət həcmlərinin kəskin aşağı olacağı gözlənilir.

Məlumat İnvest-AZ İnvestisiya Şirkətinin analitikləri tərəfindən hazırlanıb.

26.12.2023 10:22

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az