Rekord qıran Avro dönüş nöqtəsində!

Dolar qarşısında ardıcıl rekord yeniləyən Avro, bu gün ABŞ-da məşğulluq göstəricilərinin açıqlanması ilə imtahana girəcək.

"Marja" xəbər verir ki, ABŞ-da İyul ayı kənd təsərrüfatı xaric məşğulluq hesabatı və işsizlik nisbəti bu gün Bakı vaxtı ilə saat 16:30-da açıqlanacaqdır.

Göstəricilər, bütün aktiv qiymətləri üçün diqqətlə təqib edilir, ən çox da Avro/dollar üçün kritik hesab olunur

İyun ayındakı faiz artırımından sonra Fed rəsmilərinin ehtiyatlı açıqlamaları davam edir. Buna Avropa Mərkəzi Bankı (ECB) tərəfində sədr Mario Draghi-nin də şahinləşən ifadələri əlavə olunduqda 1,5 ay ərzində 600 pips yüksələrək 1,19-a qədər yüksələn Avro/dolların zəif çıxan məşğulluq göstəricisi ilə 1,20 psixoloji müqavimətini qıra biləcəyi qeyd olunur. Əgər ABŞ-da məşğulluq göstəriciləri güclü çıxarsa məzənnə aşağı doğru istiqamət ala bilər.

32 AY SONRA BİR İLK BAŞ VERƏ BİLƏR

Əgər məzənnə 1,20-ni keçsə bu 32 ay sonra bir ilk olacaq.

BAZAR NƏYƏ BAXACAQ?

Bəs, bazar Avronun taleyini müəyyənləşdirəcək məlumatda nəyə baxacaq?

Kənd təsərrüfatı xaric məşğulluq İyunda 222 min nəfər artmışdır. İşsizlik nisbəti isə 4,4 faiz olmuşdu.

İyulda məşğulluğun 183 min nəfər artacağı və işsizlik nisbətinin 4,3-ə düşəcəyi gözlənilir.

Kənd təsərrüfatı xaric məşğulluq hesabatında qarşıya çıxan ən mühüm rəqəm maaş artımı olacaqdır. Maaşlar əvvəlki ay 0,2%-də armışdı və bu ay üçün proqnoz 0,3%-dir.

Yavaş bir maaş artımının gələcək aylara dair faiz artırımı gözləntilərini məhdudlaşdıracağı bildirilir. Ancaq iqtisadçılar, ümumi ABŞ iqtisadiyyatının tam məşğulluğa yaxın olduğunu və bunun da maaşların artmasını təmin edəcəyini bildirirlər.

04.08.2017 13:32

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az