Qlobal bazarlarda son vəziyyət - GÜNƏ BAXIŞ

Qlobal bazarlarda son vəziyyət - GÜNƏ BAXIŞ

Qlobal bazarlarda son vəziyyət - GÜNƏ BAXIŞ

Dünən açıqlanan statistik göstəricilərə əsasən, Böyük Britaniyada inflyasiya noyabrda ayında oktyabrda qeydə alınmış 4.3%-lik səviyyədən 3.9%-ə düşərək son iki ilin ən aşağı səviyyəsinə çatıb. İnflyasiyada davam edən bu azalma tendensiyası İngiltərə Mərkəzi Bankının (BoE) pul-kredit siyasətinin gələcək istiqaməti ilə bağlı müzakirələrə səbəb olub.

BoE-nin faiz dərəcələrini sabit saxlamaq qərarı, son vaxtlar yumşalan inflyasiya rəqəmlərinə uyğun görünür və bank rəsmilərinin faiz dərəcələrinə əlavə düzəlişlər etməzdən əvvəl bu tendensiyanın davamlılığından əmin olmaq üçün gözlədiklərini göstərir.

VTB-də yüksək depozit faizləri daha çox qazandırır

Spekulyasiyalar artdıqca, bazarlar və istehlakçılar İngiltərə Bankının növbəti addımlarını yaxından izləyəcəklər.

Amerika sessiyanın startında isə ABŞ-da “Conference Board” İstehlakçıların Güvən İndeksi proqnozları xeyli üstələyərək (oktyabrda 101 bənd səviyyəsində olub) 110.7 bənd səviyyəsində açıqlandı. Analitiklər isə göstəricinin 103.8 bəndə kimi artacağını ehtimal edirdilər.

Həmçinin noyabrda Amerikada mənzil bazarında satışlar da proqnozlaşdırılandan daha çox artması ilə diqqət çəkdi.

Nəticədə günə 102.10 bənd səviyyəsində başlayan Dollar indeksi günlük şamını 102.55 səviyyəsində bağladı.

Yüksələn DXY fonunda avro və funt-sterling dollar qarşısında müvafiq olaraq 1.0930 və 1.2626 hədlərinə qədər geriləyib.

Bugün isə, Amerikada açıqlanacaq ÜDM-in həcmi, Filadelfiya FED-dən Biznes Aktivliyi İndeksi və İlk dəfə İşsizlik Müavinatı üçün Müraciət Edənlərin Sayı kimi önəmli iqtisadi göstəricilər valyuta birjalarına yön verə bilər. Eləcə də, Türkiyə Cümhuriyyəti Mərkəzi Bankının bu ilin son toplantısında verəcəyi faiz qərarı da investorların diqqət mərkəzində olacaq.

Məlumat İnvest-AZ İnvestisiya Şirkətinin analitikləri tərəfindən hazırlanıb.

21.12.2023 10:04

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az