Avropa Mərkəzi Bankı faiz qərarını açıqladı

Avropa Mərkəzi Bankı faiz qərarını açıqladı

Avropa Mərkəzi Bankı faiz dərəcələrini dəyişməz olaraq saxlayıb.

Avropa Mərkəzi Bankı faiz qərarını açıqladı

Avropa Mərkəzi Bankının (ECB) İdarə Heyəti dekabrın 14-də keçirilən iclasında faiz dərəcələrini dəyişməz saxlayıb.

Marja.az xəbər verir ki, baza faiz dərəcəsi 4,5%, marjinal kreditləşmə dərəcəsi 4,75%, depozit dərəcəsi isə 4%-də qalır.

VTB-də yüksək depozit faizləri daha çox qazandırır

Oktyabr ayında da Avropa tənzimləyicisi faiz dərəcələrini eyni səviyyədə saxlamışdır.

Avropa Mərkəzi Bankının qərarı analitiklərin gözləntiləri ilə üst-üstə düşüb. Reuters-in sorğusunda iştirak edən 90 iqtisadçının hamısı ECB-nin 14 dekabr iclasında faizinilərinin sabit qalacağını bildirmişdilər.

ECB sürətlənən inflyasiyanın öhdəsindən gəlmək üçün bir il yarımdır ki, pul siyasətini sərtləşdirib və ardıcıl 10 iclasında faizləri artırıb. ECB faizlərini artırmağa 2022-ci ilin iyul ayında başlamışdır. Bundan əvvəl, 2022-ci ildə depozitlər üzrə faiz dərəcəsi mənfi (mənfi 0,5%), baza dərəcəsi 0%, marja kreditləri üzrə isə 0,25% idi. 2023-cü ilin sentyabr ayında ECB üç əsas faiz dərəcəsini 0,25 bənd artırmışdır. Oktyabr ayında Avropa Mərkəzi Bankı faiz dərəcələrini eyni səviyyədə saxlamışdı.

ECB gələn il faiz dərəcələrini endirən ilk iri mərkəzi bank ola bilər

İnflyasiyanın sürətlə azalması ilə investorlar mart ayından etibarən Avropa Mərkəzi Bankının (AMB) faiz dərəcələrini aşağı salacağına qiymət verməyə başlayıblar. Əgər bazarlar haqlıdırsa, ECB gələn il əsas mərkəzi banklar arasında faiz dərəcələrini endirən ilk bank olacaq.

Digər tərəfdən, bir qrup analitik düşünür ki, ECB prezidenti Laqard və həmkarları faiz dərəcəsini çox erkən azaltsalar, inflyasiyanın həddən artıq yüksəlməsi və iqtisadiyyatı çətinliyə sala bilər.

ECB daha əvvəl inflyasiyanın gələn il orta hesabla 3,2 faiz olacağını və 2025-ci ilin ikinci yarısında 2 faiz hədəfinə dönəcəyini proqnozlaşdırmışdı. Noyabrda istehlak qiymətlərinin artımı 2021-ci ilin ortalarından bəri ən aşağı səviyyə olan 2,4 faizə endikdən sonra bu proqnoz getdikcə köhnəlmiş görünür.

14.12.2023 17:17