Dollar valyutalar qarşısında öz mövqelərini bir qədər itirib - GÜNƏ BAXIŞ

Dollar valyutalar qarşısında öz mövqelərini bir qədər itirib - GÜNƏ BAXIŞ

Dollar valyutalar qarşısında öz mövqelərini bir qədər itirib - GÜNƏ BAXIŞ

Bugün ABŞ-da inflyasiyaya dair göstəricilərin açıqlanmasından öncə, dollar major valyutalar qarşısında öz mövqelərini bir qədər itirib. Belə ki, hal-hazırda EUR/USD, GBP/USD və USD/JPY valyuta cütlükləri müvafiq olaraq 1.0765, 1.2575 və 145.53 hədlərində ticarət olunurlar.

Ekspertlər hesab edirlər ki, ölkədə illik inflyasiya göstəricisi öncəki ay ilə müqayisədə noyabr ayında 3.2%-dən 3.1%-ə enib. Onların fikrincə inflyasiyanın yavaşlaması valyuta üçün müsbətdir amil olacaqdır.

VTB-də yüksək depozit faizləri daha çox qazandırır

Həmçinin analitiklər ABŞ Federal Ehtiyatlar Sisteminin toplantısını gözləməyə davam edirlər. Onların proqnozlarına əsasən, tənzimləyici qurum uçot faiz dərəcəsini illik 5.25-5.5% səviyyəsində saxlayacaq. Qeyd edək ki, qərar çərşənbə günü açıqlanacaq.

Dollar indeksi (ABŞ-ın ticarət tərəfdaşı olan altı ölkənin valyuta səbətinə nisbətdə məzənnə) 0.1% geriləyərək 103.99 bənd təşkil edib. Dolların ucuzlaşması əmtəələrə, o cümlədən neftə olan tələbi dəstəkləyir və onları digər valyutalarda satın almaq üçün daha əlçatan edir. Hal-hazırda “Brent” markalı neftin bir bareli dünya birjalarında 76.66$-a, “WTI” markalı neftin bir bareli isə 71.87$-a ticarət olunur.

Bugün Böyük Britaniyada açıqlanacaq İşsizlik Müavinətı Üzrə Ərizələrin Sayındakı Dəyişikliklər və Almaniyada dərc olunacaq “ZEW” İqtisadi Aktivlik İndeksi göstəriciləri də investorların maraqla gözlədikləri hadisələrdir.

Məlumat İnvest-AZ İnvestisiya Şirkətinin analitikləri tərəfindən hazırlanıb.

12.12.2023 10:39

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az