Gömrük süni intellekt ilə işləyən sistemini işə salır - DÜZGÜN MƏLUMAT VER, SƏRHƏDİ SÜRƏTLİ KEÇ

Gömrük süni intellekt ilə işləyən sistemini işə salır - DÜZGÜN MƏLUMAT VER, SƏRHƏDİ SÜRƏTLİ KEÇ

Gömrük süni intellekt ilə işləyən sistemini işə salır - DÜZGÜN MƏLUMAT VER, SƏRHƏDİ SÜRƏTLİ KEÇ

Dövlət Gömrük Komitəsi Avtomatlaşdırılmış Risk Analizi Sisteminin (ARAS) tətbiqinə hazırlaşır.

Marja.az xəbər verir ki, bunu Dövlət Gömrük Komitəsi aparat rəhbərinin müavini Kənan Əsədov bildirib.

Qeyd edək ki, Dövlət Gömrük Komitəsinin təşkilatçılığı ilə keçirilən “Gömrük-Biznes Forumu 2023”də Avtomatlaşdırılmış Risk Analizi Sisteminə (ARAS) dair videoçarx nümayiş etdirilib.

ARAS - məlumatların öncədən emalı hesabına yük və nəqliyyat vasitələrinin sürətli sərhəd keçidinə, çevik gömrük rəsmiləşdirilməsinə şərait yaradan, biznes subyektlərinin əməliyyat xərclərini azaldan süni intellekt əsaslı maşın öyrənmə alqoritmləri ilə işləyən Avtomatlaşdırılmış Risk Analizi Sistemidir. Burada xarici ticarət iştirakçılarının, daşıyıcıların, malların (nəqliyyat vasitələrinin) müvafiq indikatorlar üzrə risk profili müəyyən edilməklə onlara sərhəd keçidi və gömrük rəsmiləşdirilməsi proseduru təyin ediləcək, mallar ölkə ərazisinə daxil olanadək onlar üçün müvafiq dəhliz (yaşıl, sarı, mavi, qırmızı) və mal buraxılış qaydası risk mühərriki vasitəsilə müəyyən ediləcək.

Kənan Əsədov bildirib ki, ARAS dekabrın 1-dən test rejimində fəaliyyətə başlayacaq:

"Dövlət Gömrük Komitəsi, məlumatları könüllü və doğru şəkildə təqdim edən, fiskal öhdəlikləri vaxtı-vaxtında yerinə yetirən şirkətlərə və sahibkarlara vəd edir ki, daha sürətli gömrük əməliyyatları ilə qarşılaşa bilərlər. ARAS gömrük inzibatçılığının bütün mərhələlərini əhatə edir. İlkin testlər də çox yüksək nəticələr göstərib. Artıq dekabrın 1-dən bu sistem test rejimində fəaliyyətə başlayacaq, gələn ildən isə tam rejimdə istifadəyə veriləcək. Sisitemin dəqiqlik göstəricisi 90 faizin üzərindədir. Bizim ARAS-dan gözləntimiz çoxdur. Düşünürük ki, bu sistem gömrük-biznes əməkdaşlığında şəffaflığın və etimadın artırılmasında çox mühüm rol oynayacaq, ticarəti asanlaşdıracaq, biznesin inkişafına, ümumi ölkəmizin iqtisadiyyatının inkişafına töhfə verəcək".

24.11.2023 16:07

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az