“Atasığorta” və “PAŞA Həyat Sığorta” lizinq şirkətinin istiqrazlarını alıblar

“Atasığorta” və “PAŞA Həyat Sığorta” lizinq şirkətinin istiqrazlarını alıblar

“Atasığorta” və “PAŞA Həyat Sığorta” lizinq şirkətinin istiqrazlarını alıblar

“Finance Leasing” ASC ötən il Azərbaycanın 2 sığorta şirkətinə, eləcə də 16 fiziki şəxsə istiqraz satıb.

Bu barədə lizinq şirkətinin maliyyə hesabatında bildirilir.

VTB-də yüksək depozit faizləri daha çox qazandırır

Məlumata görə, “Finance Leasing”in hər birinin nominal dəyəri 500 manat olan 600 ədəd istiqrazı (300 min manatlıq) “Atasığorta” ASC-yə, hər birinin nominal dəyəri 500 manat olan 200 ədəd istiqrazı (100 min manatlıq) “PAŞA Həyat Sığorta” ASC-yə, hər birinin nominal dəyəri 500 ABŞ dolları olan 1 227 ədəd istiqrazı (613,5 min dollarlıq) 16 fiziki şəxsə satılıb.

Faizli, təmin edilməmiş, sənədsiz və adlı istiqrazların realizə edilməsi qapalı üsulla, Bakı Fond Birjasında həyata keçirilib.

Xatırladaq ki, “Finance Leasing” 2007-ci ildə yaradılıb. Onun nizamnamə kapitalı 1,2 mln. manatdır. Şirkətin səhmlərinin 19%-i Tokay Şıxəlizadəyə, 13,1%-i Murğuz Tağıyevə, 12,7%-i Azad Cavadova (Azərbaycan Əmanətlərin Sığortalanması Fondunun sabiq icraçı direktoru, şirkətin Müşahidə Şurasının üzvü), 12%-i Sevda İbrahimovaya, 10%-i Mobil Şərifova (şirkətin Müşahidə Şurasının sədri), 8%-i Tahir Namazova, 5%-i İsa Hüseynova, 4,5%-i Tofiq Cəfərova, 3,8%-i Gülmirə Cəfərovaya, 3,1%-i Azər Hacıyevə, hər biri 2% olmaqla Elçin Tahirova və Gülnarə Daşdəmirovaya, 4,8%-i isə digər 3 fiziki şəxsə məxsusdur.

Səhm sahiblərindən ikisi – Sevda İbrahimova və Mobil Şərifov “Finance Leasing”lə birlikdə “Finex Group” MMC-də təmsil olunan “Finex Credit” ASC bank olmayan kredit təşkilatının (BOKT) müvafiq olaraq 14,9%-lik və 11,77%-lik səhmdarıdır. “Finex Credit”in səhmlərinin qalan 73,33%-i isə elə “Finance Leasing”ə məxsusdur.

02.08.2017 09:32

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az