"Rubl daha da bahalaşa bilər"

"Rubl daha da bahalaşa bilər"

"İndi Rubl möhkəmlənir və daha da güclənə (bahalaşa - red) bilər".

Marja.az xəbər verir ki, bunu “Moskovski komsomolets” qəzetinə müsahibəsində Rusiya Federasiyası Prezidentinin köməkçisi Maksim Oreşkin deyib.

VTB-də yüksək depozit faizləri daha çox qazandırır

"Lakin ümumilikdə rublun məzənnəsinin cari tarazlıq dəyərlərindən kəskin kənara çıxmasına ümid etmək olmaz", - o əlavə edib.

Rublun 2022-ci ildə möhkəmləndikdən sonra bu il kəskin ucuzlaşmasının nə ilə izah olunduğu sualını cavablandıran Oreşkin, bunu əsasən Rusiyada daxili tələbatın yenidən bərpa olunması, investisiyaların artması, neft və qaz qiymətlərin ötən illə müqayisədə aşağı olması ilə izah edib: "Üçüncü rübün son məlumatlarına nəzər salsanız, pərakəndə ticarət dövriyyəsi real ifadədə 11,3% artıb, investisiyalar isə 12,6 faiz artıb. Aydındır ki, istehlak və investisiya tələbinin bu bərpası idxal olunan məhsullara tələbatın artmasına səbəb olub. Eyni zamanda, bu il neft və qaz qiymətləri 2022-ci ildəkindən aşağı olub. Bu fonda rublun məzənnəsi korrektə olunub".

Oreşkin qeyd edib ki, bunlardan başqa, ixracatçılar tərəfindən xarici borcların bir hissəsinin ödənilməsi, xaricdə Rusiya məhsullarının alıcıları üçün maliyyələşdirmənin artırılması zərurəti, həmçinin xarici şirkətlərin Rusiya bazarını tərk etməsi və onların səhmlərinin rusiyalı investorlar tərəfindən alınması Dolları bahalaşdırıb: "Bütün bunlar birlikdə xarici valyutaya tələbi artırdı və rublun zəifləməsinə səbəb oldu. İndi biz bu müvəqqəti kapital axınının azalmağa başladığını görürük. Tədiyyə balansı sabitləşir və indi rubl güclənməyə meyl göstərir”.

Qeyd edək ki, dünən iyunun 30-dan bəri ilk dəfə Dolların qiyməti 88 rubldan, Avronun qiyməti isə 96 rubldan aşağı düşüb.

22.11.2023 08:11

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az