“AzerGold”un Özbəkistanda fəaliyyətə başlamasına hazırlıq davam edir - İBRAHİMOV SƏFİR İLƏ GÖRÜŞDÜ
Zakir İbrahimov Özbəkistanın ölkəmizdəki səfiri ilə görüşüb
“AzerGold” Qapalı Səhmdar Cəmiyyətinin (QSC) İdarə Heyətinin sədri Zakir İbrahimov Özbəkistanın ölkəmizdəki fövqəladə və səlahiyyətli səfiri Bahrom Aşrafxanov ilə görüşüb.
Görüşdə Azərbaycan-Özbəkistan münasibətlərinin zəngin tarixə malik olduğu, ortaq mədəni irsə, eyni etnik və dini köklərə sahib olan xalqlarımız arasında əlaqələrin dostluq, qardaşlıq və qarşılıqlı hörmətə əsaslandığını qeyd edən Z.İbrahimov iki ölkə arasında bütün sahələrdə olduğu kimi, iqtisadi əməkdaşlığın da yüksələn xətlə inkişaf etdiyini diqqətə çatdırıb.
İdarə Heyətinin sədri “AzerGold” QSC-nin fəaliyyət sahələri üzrə əldə etdiyi nailiyyətlər, QSC-nin strateji planları və dağ-mədən sektorunda görülən işlər haqqında danışıb. Z.İbrahimov Azərbaycanda dağ-mədən sahəsinin neft-qaz sənayesi ilə müqayisədə yeni sahə olmasına baxmayaraq, son illər xüsusilə qızıl hasilatında böyük uğurlar əldə edildiyini qeyd edib. İdarə Heyətinin sədri Səhmdar Cəmiyyətin qızıl yataqları üzrə dövlət büdcəsindən asılılığı tam olaraq aradan qaldırmağa nail olduğunu, yeni əlvan və qara metal yataqlarının istismarına hazırlıq işlərini uğurla davam etdirdiyini bildirib.
Z.İbrahimov “AzerGold” QSC-nin hazırda 3 mədən layihəsi – “Çovdar”, “Mərəh” və “Tülallar” qızıl yataqlarının istismarını, “Daşkəsən” dəmir yataqları qrupu, “Filizçay” polimetal, “Ortakənd” qızıl mədəni kimi irimiqyaslı layihələrin icrası ilə bağlı fəaliyyətini uğurla davam etdirdiyini, sözügedən yataqların QSC-nin xarici investisiyaya açıq layihələri olduğunu qeyd edib. İdarə Heyətinin sədri işğaldan azad edilmiş Kəlbəcər rayonunda yerləşən “Tutxun” qızıl təzahürləri sahəsi ilə bağlı geoloji tədqiqatların davam etdirildiyini, işğal dövründə həmin ərazilərin mina və partlamamış hərbi sursatlarla çirkləndirildiyi üçün prosesin sürətlə icrasının mümkün olmadığını, vaxt itkisinin qarşısının alınması üçün tədqiqatlarda innovativ axtarış metodlarından sayılan qeyri-invaziv hiperspektral peyk görüntülərinin çəkilişlərinin həyata keçirildiyini qeyd edib.
“AzerGold” QSC-nin Azərbaycanda uğurlu mədənçilik fəaliyyəti həyata keçirməklə yanaşı, ölkə hüdudlarından kənarda da əməkdaşlıq əlaqələri quraraq, fəaliyyətini genişləndirməkdə maraqlı olduğunu diqqətə çatdıran Z.İbrahimov qızıl ehtiyatlarına görə dünyanın ilk 10-luğuna daxil olan qardaş Özbəkistan Respublikasında bu sahədə birgə əməkdaşlıq əlaqələrinin yaradılması üçün tərəflər arasında həyata keçirilmiş qarşılıqlı səfərlər, işgüzar görüşləri xatırladıb. O, 2023-cü ilin 24 fevral tarixində Özbəkistanın paytaxtı Daşkənd şəhərində “AzerGold” və Özbəkistan Respublikasının Dağ-Mədən Sənayesi və Geologiya Nazirliyi arasında Özbəkistan ərazisində geoloji kəşfiyyat işlərinin həyata keçirilməsi və qızıl yataqlarının işlənməsi sahəsində birgə əməkdaşlığın qurulması haqqında imzalanan Anlaşma və Razılaşma Memorandumu ilə bu istiqamətdə əlaqələrin üst səviyyəyə qaldırılmasından məmnunluğunu ifadə edib.
Öz növbəsində, Azərbaycanın Özbəkistan üçün vacib tərəfdaş olduğunu qeyd edən B.Aşrafxanov ölkəsində yeni əlvan metal yataqlarının öyrənilməsi və idarə olunması sahəsində “AzerGold” QSC ilə əməkdaşlıqda maraqlı olduqlarını qeyd edib. İki ölkə arasında əməkdaşlığın yeni istiqaməti kimi, dağ-mədən sahəsində müştərək fəaliyyətin təşkil edilməsinin əhəmiyyətini qeyd edən səfir həm geoloji kəşfiyyat, həm də mədənlərin istismarı sahəsində böyük təcrübəyə malik “AzerGold” QSC ilə birgə əməkdaşlığın qurulmasının qarşılıqlı faydalı olacağına diqqət çəkib.
Görüşdə, həmçinin digər qarşılıqlı maraq doğuran məsələlər müzakirə edilib.
Müştərilərin xəbərləri

WaterTech Bootcamp: Su ehtiyatlarının idarə olunmasında süni intellekt və innovasiya ilə gələcəyə doğru addım
SON XƏBƏRLƏR
- 1 ay sonra
-
1 gün sonra
Yüksək və etibarlı gəlir istəyənlər üçün – FINCA istiqrazlarının yeni buraxılışı başlayır
-
4 saat əvvəl
“Abu Dhabi Ports Group” şirkəti ilə əməkdaşlıq imkanları müzakirə edilib
-
📲 İndi
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az - 5 saat əvvəl
-
5 saat əvvəl
Sloveniya Azərbaycanı qaz infrastrukturunun inkişafına cəlb etmək istəyir
- 5 saat əvvəl
-
5 saat əvvəl
Sahibkarlara taxta altlıqlar, yeşiklər və paletlər ilə bağlı müraciət edildi
-
6 saat əvvəl
Hesablama Palatası ən çox təkrarlanan maliyyə pozuntularını açıqlayıb
-
7 saat əvvəl
Palata ilk 6 ayda 65 milyon manatlıq maliyyə pozuntusu aşkarlayıb
- 7 saat əvvəl
-
9 saat əvvəl
Lerikin Hamarmeşə–Bibiyani yolu əsaslı təmir olunacaq – 2 MİLYON MANATLIQ SƏRƏNCAM
-
9 saat əvvəl
Dövlət şirkəti 82 milyon manata yaxın gəlirə qarşı, 5 milyon manat xalis mənfəət əldə edib
Son Xəbərlər

Yüksək və etibarlı gəlir istəyənlər üçün – FINCA istiqrazlarının yeni buraxılışı başlayır

İsti hava şəraiti davam edəcək

Palata ilk 6 ayda 65 milyon manatlıq maliyyə pozuntusu aşkarlayıb
Ən çox oxunanlar

Dövlət şirkəti 82 milyon manata yaxın gəlirə qarşı, 5 milyon manat xalis mənfəət əldə edib

Sabahın hava proqnozu açıqlanıb

WaterTech Bootcamp: Su ehtiyatlarının idarə olunmasında süni intellekt və innovasiya ilə gələcəyə doğru addım

İri xarici bank Azərbaycan üçün yeni 5 illik strateji əməkdaşlıq planını təsdiqləyib

Mərkəzi Bankda bankirlər ilə görüş keçirilib

Dövlət Agentliyi qiymətli kağızlara investisiyalarını kəskin azaldıb, banklara depozit yerləşdirib
