30 noyabr 2023-cü il tarixində “Gülüstan” sarayında Ümummilli Lider Heydər Əliyevin 100 illik yubileyinə həsr olunan “Sənaye Təhlükəsizliyi Zirvəsi” keçiriləcəkdir.

Azərbaycan Sənaye Təhlükəsizliyi Assosasiyası (ASTA) və Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun birgə təşkilatçılığı  ilə təşkil olunacaq tədbirin hazırlıqları davam edir. Bu haqda məlumatı ASTA-nın sədri Orxan Xəlilzadə verib. 

Orxan Xəlilzadənin bildirdiyinə görə artıq 2 aydan artıqdır ki zirvənin təşkilatçılıq işləri davam etdirilir və gözləndiyindən daha çox maraq və dəstəyin olması onları çox sevindirir. Belə ki, tədbir BP şirkətinin baş sponsorluğu və Bureau Veritas, IST Services, Safe Life, PMD Projects, NEBOSH, Agcurate, AVFALL Solutions, Caspian Energy Club, Bakı Beynəlxalq Dəniz Ticarət Limanı, Marriott Baku Boulevard oteli kimi yerli və beynəlxalq bir çox şirkətlərin sponsorluğu və dəstəyi ilə baş tutur. 

Yeni yaradılmış və ölkədə sənaye təhlükəsizliyi, əməyin mühafizəsi, ətraf mühitin qorunması sahəsində maarifləndirmə fəaliyyətləri və bu sahələrin inkişafına dəstək fəaliyyətləri olan assosasiya bu tədbirlə də 450-dən çox sahə peşəkarlarını, dövlət qurumlarının nümayəndələrini və beynəlxaql ekspertləri bir araya gətirəcək.

ASTA-nın sədr müavini və “Sənaye Təhlükəsizliyi Zirvəsi”nin layihə rəhbəri Cabir Süleymanlının bildirdiyinə görə artıq tədbirin spikerləri də bəllidir. 3 fərqli panel dən ibarət zirvədə 20 spiker və moderatorun iştirakı olacaq. Layihə rəhbərinin qeyd etdiyinə görə “Sabahın çağırışları” şüarı altında karbon emissiyasının azaldılması, enerji keçidi, dövlət və özəl sektor münasibətləri və eləcədə SƏTƏM sahəsinin bir çox mövzularına toxunulacaq tədbirə hazırlıq üçün yaxın günlərdə spiker və moderatorlarla görüş də nəzərdə tutulub. Tədbirin spiker və moderatorları hər biri öz sahəsinin peşəkarı və müxtəlif dövlət və özəl qurumların rəhbərləridir. 

Təşkilatçıların bildirdiyinə görə 21 noyabr tarixinə qədər tədbirdə iştirak üçün qeydiyyat www.stz.az saytında davam etməkdədir. Eyni zamanda tədbirin sosial media hesablarından da yeniliklər haqqında məlumat almaq mümkündür. 

Facebook:  https://www.facebook.com/stzbaku

İnstaqram: https://www.instagram.com/stzbaku

LinkedIn: https://www.linkedin.com