"Vergi güzəştinin bu formada şərtləndirilməsi gəncləri demotivasiya edəcək"

"Vergi güzəştinin bu formada şərtləndirilməsi gəncləri demotivasiya edəcək"

"Vergi güzəştinin bu formada şərtləndirilməsi gəncləri demotivasiya edəcək"

Mikro sahibkarlıq subyektlərinin gəlir (mənfəət) vergisinə cəlb edilməsi zamanı güzəşt hüququnun 3 nəfər işçi sayı ilə şərtləndirilməsi ilə bağlı təklif çoxsaylı suallar yaradıb.

Xəbər verdiyimiz kimi, Vergi Məcəlləsinə dəyişiklik layihəsi Milli Məclisə təqdim olunub. Belə ki, Məcəllənin 102.1.30 və 106.1.20-ci maddələrinə əsasən mikro sahibkarlıq subyektlərinin vergiyə cəlb olunan gəlirlərinin (mənfəətlərinin) 75 faizi gəlir və xərclərin uçotunun aparılması şərti ilə vergidən azaddır. Növbəti ildən qeyd edilən maddələrə bir şərt daha əlavə olunacaq. Belə ki, 75 faiz güzəştin tətbiq edilməsi üçün mikro sahibkarların orta aylıq işçi sayının 3 nəfərdən az olmaması nəzərdə tutulur.

VTB-də minimal faiz dərəcəsi ilə nağd kredit 9.9%-dən

Bəs layihə təsdiqlənsə nələr baş verə bilər?

Marja.az xəbər verir ki, Vergi üzrə mütəxəssis Teymur İslamlı bu suala cavab verib:

1. Formal xarakterli əmək müqavilələrinin sayı artacaq. Müqavilələr formal olduğu üçün əməkhaqqı məbləğləri də minimum olacaq. Yekunda ölkə üzrə orta aylıq əməkhaqqı məbləği aşağı düşəcək.

2. Bir sıra sahələrdə sahibkarlar rəsmiyyətdən qaçacaqlar, daha çox qeyri-rəsmi əməliyyatlar aparacaqlar.

3. Qiymət artımı. 2000 manatlıq xidmət göstərmiş sahibkarın 400 manat vergi yükü formalaşacaq (bu tip xidmət sahələrində demək olar ki, rəsmi xərc olmur), üstəgəl təqribən 100 manat da icbari ödənişlər var. Sahibkar bu xərci kompensasiya etmək üçün mütləq qiymət artımına gedəcək.

4. Beyin köçü. Xüsusən gənclər - "Z" nəsli yaxşı mənada hərdəmxəyaldırlar, himə bənddirlər, "dərziyə dedilər köç, iynəsini yaxasına sancıb getdi" prinsipi ilə hərəkət edirlər. Bir çox müasir xidmətlər təklif edən şəxslər əsasən gənclərdir, vergi güzəştinin bu formada şərtləndirilməsi onları demotivasiya edəcək.

Ümid edirəm, bu layihə elə layihə olaraq da qalacaq".

16.11.2023 15:20