Bitcoin üçün kritik tarix: 1 Avqust

Kripto rəqəmsal pul vahidi texnologiyası "Bitcoin"dəki fikir ayrılığı bu gün (1 Avqust 2017) pul vahidinin iki yerə bölünməsi ilə nəticələnə bilər.

“Marja” xəbər verir ki, "Bitcoin"ə investisiya yatıranlar bundan narahatdırlar. 

Bir müddətdir "Bitcoin" haqqında şikayətlər var. Aparılan əməliyyatların qeydə alındığı sistemdə, nadir hallarda olsa da, proseslərin bütün göstəricilərinin yaddaşa getməməsi baş verə bilir. Bu da, əməliyyatın sonradan dəyişdirilməsini imkan verir, yəni, dələduzluğa qapı açır.

Problemi aradan qaldırmaq üçün "Segwit2x" adı verilən bir yeniləmənin həyata keçirilməsinə qərar verilib. Bu yeniləmə, pul vahidində deyil, arxasındakı eyni adlı texnologiya olan "Bitcoin"də ediləcək.

“Bitcoin” sahiblərinin sayını artıması, əməliyyatların başa çatdırma müddətlərini uzadıb. Təkcə bir əməliyyat üçün 7 saata qədər gözləyənlər olub.

“Bitcoin” ilə saniyədə 3 ilə 7 əməliyyat həyata keçirmək  mümkündür. Bunu bir kredit kartı ilə müqayisə edək; Visa-nın sistemi saniyədə 56 min əməliyyatı dəstəkləyir. Aparılan əməliyyat sayı isə orta hesabla saniyədə 1700-dür.

Problemi aradan qaldırmaq üçün blok həcmi dəyişdiriləcək. Başlanğıcda təhlükəsizliyi təmin etmək, kiber hücumlar baş verməməsi üçün 1 MB olan üst limit, əvvəl 2 MB-a, sonra da mərhələli olaraq 8 MB-a qədər qaldırılacaq.

Bu yeniləmə bəzi problemləri həll etsə də, bəziləri üçün yetərli görünmür. Elə problem də burada çıxır. “Bitmain” daxil bir sıra “Bitcoin” şirkətləri (yəni Bitcoin istehsal edən şirkətlər) və “Bitcoin Unlimited” kimi texnologiya üzərində çalışan şirkətlər, bu fikri dəstəkləmirlər. “Bitcoin Unlimited” məhdudiyyətsiz blok həcmi  istəyir, “Bitmain” isə bu yeniləməninsistemi  mahiyyətindən uzaqlaşdırdığını müdafiə edir.

"Segwit"in tətbiqi üçün şəbəkədəki sistemlərin 95%-i tərəfindən dəstəklənməsi lazımdır. Bitcoin.com-a görə isə dəstək 88,2% nisbətinə çatmışdır. Ancaq 95%-in nə çətin əldə edilə bilən bir nisbət olduğu söylənilir.

"Segwit"ə dəstək verməyənlər “Bitcoin Cash” (BCC) adlı yeni pul vahidini ortaya çıxarmaq niyyətindədirlər. Onlar yeni bir blok zənciri üzərində yeni pil vahidi yaratmaq istəyirlər.

İkinci bir pul vahidinin ortaya çıxıb çıxmayacağı dəqiq deyil. Bu barədə qərarı istifadəçilər bu gün verəcəklər. Yeni bir qərar çıxmasa sistem yenilənmiş şəkildə fəaliyyətinə davam edəcək.