Taleh Kazımov "bank sektorunda inhisarlaşma" iddialarına cavab verdi - "Biz ədalətliyik"

Taleh Kazımov "bank sektorunda inhisarlaşma" iddialarına cavab verdi - "Biz ədalətliyik"

Taleh Kazımov "bank sektorunda inhisarlaşma" iddialarına cavab verdi - "Biz ədalətliyik"

Azərbaycan Mərkəzi Bankının sədri Taleh Kazımov bank sektorunun bir neçə əldə cəmləşdiyi (təmərküzləşmə - red) barədə iddialar ilə həm razılaşır, eyni zamanda, sektorda rəqabət olduğunu bildirir.

Marja.az-ın məlumatına görə, bu gün keçirilmiş mətbuat konfransında Mərkəzi Bankın sədri Taleh Kazımov, guya Mərkəzi Bankın rəqabətin qarşısını aldığı və sektordakı problemlərin xeyli hissəsinin məhz bu sistemin monopol xarakterli mahiyyətindən qaynaqlandığı barədə iddialara cavab verib.

Taleh Kazımov, "Necə təsəvvür edə bilərik ki, Mərkəzi Bank kommersiya bankları arasında rəqabətdə maraqlı deyil?! O zaman bu demək olar ki, Mərkəzi Bankın mandatından fərqli hansısa marağı var" deyərək əlavə edib:

"Biz maliyyə sektorunun, o cümlədən bank sektorunun rəqabətli olmasına fokuslanmışıq. Fəaliyyətimizdə ədalət prinsiplərinə riayət edərək maliyyə sektorunun inkişafını istəyirik. Sözsüz ki, illər ərzində formalşamış maliyyə sektoru var və orada təmərküzləşmə də mövcuddur. Təmərküzləşmə tək bank sektorunda deyil. Mərkəzi Bank bank sektorunda təmərküzləşmənin azaldılması üçün addımlar atır. Məcburi etiyatlardan danışdıq – məcburi ehtiyat normalarına diferensial (bərabər olmayan - red) yanaşmamız bizim rəqabət tərəfdarı olduğumuza bir nümunədir. Məcburi ehtiyat normalarına diferensial yanaşırıq ki, təmərküzləşmə olan banklara daha sərt prudensial siyasətimizi həyata keçirək, digər banklar da rəqabət apara bilsinlər. Bank sektoru rəqabətlidir, eyni zamanda təmərküzləşmə var. Bu da bir günün məsələsi deyil, maliyyə sektorumuz yaranan vaxtdan formalaşan məsələdir. Bizim məqsədimiz maliyyə dayanıqlılığına xələl gətirmədən təmərküzləşmənin azaldılmasıdır. Şəxsən mən inanıram ki, yalnız bunun hesabına təmin edilən rəqabət şəraitində maliyyə sektorunun iqtisadiyyatın inkişafında rolu daha da arta bilər".

01.11.2023 19:07

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az