ABB mobile istifadəçilərinin sayı yarım milyon aktiv istifadəçini  (521 000) ötüb və bu göstərici bizi hədəfimizə yaxınlaşdırır. Bundan əlavə, 1 milyona yaxın insan tətbiqdə qeydiyyatdan keçmişdir.

Marja.az xəbər verir ki, bu, ABB 2022-ci il üzrə Dayanıqlı İnkişaf Hesabatında bildirilir.

Aşağıda tətbiqin istifadəçi dinamikası əks olunub:

31.12.2020

Aktiv ABB mobile istifadəçiləri: 81 min

Yeni qeydiyyatdan keçmiş ABB mobile istifadəçiləri: 236 min

31.12.2021

Aktiv ABB mobile istifadəçiləri: 367 min

Yeni qeydiyyatdan keçmiş ABB mobile istifadəçiləri: 548 min

31.12.2022

Aktiv ABB mobile istifadəçiləri: 521 min

Yeni qeydiyyatdan keçmiş ABB mobile istifadəçiləri: 448 min

Hesabatda qeyd edilib ki,  2022-ci il bütün ABB miqyasında transformasiya ili kimi yadda qalıb.

Tansformasiya nəticəsində ABB nağdsız əməliyyatların 30%-ni, istehlak kreditlərinin alınmasının 18%-ni rəqəmsal müstəviyə keçirib.

Ötən dövr ərzində  ABB mobile tətbiqimizdə əlavə təkmilləşdirmələrə böyük sərmayələr yatırıb:  

"Bütün təkmilləşdirmə təşəbbüsləri ABB-nin öz peşəkar daxili komandaları tərəfindən müstəqil şəkildə həyata keçirilib. ABB mobileın idarə edilməsində üçüncü tərəflərdən asılılığın aradan qaldırılması daha effektiv nəzarətə və yaranan problemlərin çevik şəkildə aradan qaldırılmasına imkan verir. Bu təcrübə Agile yanaşmanın ABB üçün effektiv və müştəriyönümlü olduğunu sübuta yetirir.

Davamlı təkmilləşdirmə işlərini və müştəri məmnuniyyətini təmin etməkdən ötrü biz müntəzəm olaraq ABB mobile istifadəçiləri arasında keçirilən qısa sorğular vasitəsilə müştəri rəylərini toplayırıq. Həm Android, həm iOS istifadəçiləri üçün uyğun rəqəmsal bankçılıq həlli olan ABB mobile tətbiqi müştərilərə hesablarının müntəzəm şəkildə idarə edilməsi, köçürmələr, ödənişlər, müxtəlif kredit, kart, sığorta məhsullarının əldə olunması, investisiya fəaliyyəti və s. imkanlar yaradır".

Qeyd edilib ki, ABB-nin 2023-2025-ci illər üzrə İnkişaf Strategiyası rəqəmsallaşmanın sürətləndirilməsinə, müştəriyönümlülüyün artırılmasına, yeni imkanların dəyərləndirilməsinə, təşkilat daxilində innovasiyaların təşviqinə, qabaqcıl analitika və datadan geniş istifadəyə yönəlib.

Hesabatla buradan tanış ola bilərsiniz