Böyükşorda Regional Servis Mərkəzi tikiləcək - DÖVLƏT ŞİRKƏTİ İSVEÇRƏ ŞİRKƏTİLƏ MÜQAVİLƏ İMZALADI

Böyükşorda Regional Servis Mərkəzi tikiləcək - DÖVLƏT ŞİRKƏTİ İSVEÇRƏ ŞİRKƏTİLƏ MÜQAVİLƏ İMZALADI

ADY “Stadler” şirkəti ilə Regional Servis Mərkəzinin yaradılmasına dair müqavilə imzaladı

Böyükşorda Regional Servis Mərkəzi tikiləcək - DÖVLƏT ŞİRKƏTİ İSVEÇRƏ ŞİRKƏTİLƏ MÜQAVİLƏ İMZALADI

Bu gün “Azərbaycan Dəmir Yolları” QSC (ADY) və “Stadler Rail Group” şirkəti arasında dəmir yolu nəqliyyatı vasitələrinin təmiri, texniki qulluq və konsultasiya üzrə xidmətlərin göstərilməsinə dair müqavilə imzalanıb.

Marja.az xəbər verir ki,ADY sədri Rövşən Rüstəmov və “Stadler Rail Group” şirkətinin vitse-prezidenti Benjamin Niederhauser tərəfindən imzalanmış müqaviləyə əsasən, Böyükşor ərazisində Regional Servis Mərkəzi tikiləcək və “Stadler” şirkəti tərəfindən də Mərkəzin tikintisi üçün investisiya yatırılacaq.

Bu mərkəzin əhəmiyyəti ondan ibarətdir ki, hazırda dəmir yollarında aktiv istifadə olunan “Stadler” markalı bütün növ nəqliyyat vasitələrinin təmiri və texniki xidmət məhz burada həyata keçiriləcək. “Stadler” qatarlarına texniki dəstəyin göstərilməsi həmin nəqliyyat vasitələrinin hazırlıq əmsalının 95%-dən çox olmasını təmin edəcək. Eyni zamanda mərkəzdə ADY-nin işçi heyətinə bütün növ lokomotivlərin təmir olunması ilə bağlı bilik və bacarıqlarının təkmilləşdirilməsi baxımından dəstək və məsləhət veriləcək.

Azərbaycan ərazisində belə bir unikal müəssisənin yaradılması regionda qonşu ölkələrdə istismar edilən “Stadler” hərəkət tərkibinin irihəcmli təmirinin həyata keçirilməsinə imkan yaradacaq.

Qeyd edək ki, ADY tərəfindən İsveçrənin “Stadler Rail Group” şirkətindən sifariş edilən KISS markalı ikimərtəbəli elektrik qatarları ilk dəfə Azərbaycana 2015-ci ildə gətirilib. Hazırda Azərbaycanın dəmir yollarında 9 ədəd KISS elektrik qatarı istifadədədir.

Həmçinin oxu

Rəhbərlər hansı səriştələrə malik olmalıdırlar- TƏCRÜBƏLİ BEYNƏLXALQ EKSPERTLƏR BAKIYA GƏLİR

24.10.2023 18:13

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az