ARDNF-in investisiya portfelində ABŞ dollarının payı 70%-dək artıb

ARDNF-in investisiya portfelində ABŞ dollarının payı 70%-dək artıb

Azərbaycan Dövlət Neft Fondu (ARDNF) aktivlərinin əsas hissəsini, əvvəlki kimi, ABŞ dollarında yerləşdirməyə üstünlük verir və bu valyutada aktivlərin xüsusi çəkisi 70,3% təşkil edib. Bu barədə fondun məlumatında deyilir.

2023-cü il sentyabrın 30-na olan vəziyyətə görə, ARDNF-in aktivləri 55 milyard 523,96 milyon dollar təşkil edib, bunun 2,69 milyon dolları Azərbaycan manatına ekvivalentdir, qalanı digər valyutalarda yerləşdirilib.

VTB-də yüksək depozit faizləri daha çox qazandırır

2023-cü il sentyabrın sonuna olan vəziyyətə görə, ARDNF-in investisiya portfeli 55 milyard 521,27 milyon dollara bərabərdir.

Fondun investisiya portfelinin strukturunda 70,3% ABŞ dolları (2022-ci ilin yekunları üzrə 68,6%), 19,2% avro (2022-ci ilin sonuna 20,4%), 4,9% funt sterlinq (5,2%), 0,6% Avstraliya dolları (0,6%), 0,2% türk lirəsi (0,4%), 0,2% rus rublu (0,3%), 1% Çin yuanı (1,1%), 1,4% yapon yeni (1,3%), 2,2% digər valyutalarda (2,1%) yerləşdirilib.

Fondun investisiya portfelinin 60,1%-i istiqrazlarda və pul bazarı alətlərində (2022-ci ilin sonuna 62,1%), 22,2%-i səhmlərdə (2022-ci ilin sonuna 19,6%), 5,8%-i daşınmaz əmlakda (2022-ci ilin sonuna 6,2%) yerləşdirilib. Qızılın payı 11,5% (2022-ci ilin sonuna 12,1%) təşkil edir ki, bu da 101,8 tona ekvivalentdir (2022-ci ilin sonuna 101,8 ton).

ARDNF-in vəsaitlərinin 96,4%-i yüksək reytinqli (А, АА və ААА) aktivlərdə yerləşdirilib.

Fondun məlumatına görə, ARDNF-in investisiya portfelinin 36,9%-i Şimali Amerika ölkələrində, 28,5%-i Avropa ölkələrində, 14,6%-i Asiya-Sakit okean regionu ölkələrində, 0,1%-i Cənubi Amerika ölkələrində, 0,1%-i Afrika ölkələri, 0,3%-i Yaxın Şərq ölkələrində, 0,6%-i Avstraliya və Yeni Zelandiyada, 7,9%-i beynəlxalq təşkilatlarda, 11%-i isə qızılda yerləşdirilib.

1999-cu ildə yaradılmış ARDNF-də neft müqavilələrinin reallaşmasından, əsasən dövlətin mənfəət neftinin satışından, ölkə ərazisində neft və qaz nəqlinə görə tranzit tariflərindən, dövlət əmlakının icarəsindən və digər mənbələrdən daxil olan gəlirlər toplanır.

15.10.2023 22:39

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az