"Skoda" Qazaxıstanda 4 modelinin istehsalına başlayacaq

"Skoda" Qazaxıstanda 4 modelinin istehsalına başlayacaq

2024-cü ilin əvvəlində Qazaxıstanda "Skoda"nın Oktavia, Kodiaq, Kamiq və Karoq modellərinin istehsalına başlanacaq

"Skoda" Qazaxıstanda 4 modelinin istehsalına başlayacaq

Çexiyanın "Skoda" şirkəti Qazaxıstanın "Allur" zavodunda 4 avtomobil modelini istehsal etməyi planlaşdırır.

Marja.az markanın mətbuat xidmətinə istinadən xəbər verir ki, tezliklə müəssisənin montaj xəttindən "Octavia" kiçik ailə avtomobili, həmçinin Kodiaq, Kamiq və Karoq krossoverləriyığılacaq. Bu modellərin istehsalına 2024-cü ilin əvvəlində başlanılacaq.

Bununla yanaşı, Çexiya markasının Qazaxıstanda yeni avtomobil satışı mərkəzləri istifadəyə verəcək. Ümumilikdə şirkət 2024-cü ildə ölkənin ən böyük şəhərlərində 15 avtosalon açmağı planlaşdırır.

"Skoda yerli avtomobil bazarında əhəmiyyətli inkişaf potensialını görür. Yaxın beş il ərzində Qazaxıstanda ümumi satışın 200 min avtomobildən çox olacağı proqnozlaşdırılır", - deyə şirkətdən bildirilib.

Layihəyə yatırılan investisiyaların həcmi 26 milyard tenge təşkil edəcək. Bu vəsaitlər istehsalın birbaşa təşkil edilməsi ilə yanaşı, markanın satış şəbəkəsinin yaradılmasında da istifadə olunacaq. Gözlənilir ki, kompleksdə avropalı tərəfdaşla əməkdaşlıq Qazaxıstanda 1500-ə yaxın yeni iş yeri yaradacaq.

Hal-hazırda Qazaxıstanda yerləşən "Allur" zavodunda bir sıra markaların maşınları istehsal olunur. JAC, Chevrolet, Kia və Jetour maşınları müəssisənin montaj xəttindən çıxır. Həmçinin yaxın gələcəkdə onlara yenidən Lada modelləri də qoşula bilər. Hal-hazırda AvtoVAZ bu ehtimalı nəzərdən keçirir. "SaryarkaAvtoProm" zavodunda ("Allur"a məxsus) "Lada" maşınlarının montajı 2022-ci ildə dayandırılıb. Burada Lada Granta, Niva və Vesta maşınları istehsal edilmişdir.

Skoda ötən yaz Rusiyada fəaliyyətini dayandırıb. Bundan əvvəl Nijni Novqoroddakı QAZ qrupunun müəssisəsində Çexiya markasının maşınları istehsal olunurdu.

Skoda Oktavia Kodiaq Kamiq Karoq JAC Chevrolet Kia Jetour

14.10.2023 20:41

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az