"Azərbaycan da bu layihədə iştirak etməyə hazırdır" - NOVAK

"Azərbaycan da bu layihədə iştirak etməyə hazırdır" - NOVAK

"Azərbaycan da bu layihədə iştirak etməyə hazırdır" - NOVAK

Rusiya Baş nazirinin müavini Aleksandr Novak Moskvada təşkil edilən Rusiya Enerji Həftəsi çərçivəsində Türkiyədə qurulması planlaşdırılan təbii qaz mərkəzi ilə bağlı açıqlamalar verib.

Marja.az xəbər verir ki, Təbii qaz mərkəzi layihəsinin maraq doğurduğunu qeyd edən Novak, "Bu, həm Türkiyənin, həm də Rusiyanın böyük maraq göstərdiyi bir layihədir. Başqa maraqlı tərəflər də var. Məsələn, Azərbaycan da bu layihədə iştirak etməyə hazırdır" deyib.

Layihədə digər ölkələrin də iştirak edə biləcəyini bildirən Novak, “Biz inanırıq ki, digər ölkələr də qaz təchizatçısı kimi iştirak edə bilər. Çünki Avropa və xüsusilə Cənub-Şərqi Avropa üçün elektron ticarət platformasının yaradılması məqsədəuyğun olar ki, orada satılacaq həcmlərə uyğun olaraq qaz qiymətləri təyin olunsun” deyib.

Novak bu mərkəzin yaradılması istiqamətində işlərin davam etdiyinə diqqət çəkərək, “Qazprom və BOTAŞ birgə yol xəritəsi hazırlayıb. Ümid edirəm ki, yaxın gələcəkdə saziş imzalanacaq və layihənin həyata keçirilməsində irəliləməyə imkan verəcək”,- deyib.

Türkiyə ilə təbii qaz sahəsində mühüm layihələr həyata keçirdiklərini qeyd edən Novak, “Həm "Mavi Axın", həm də "Türk axını"nın 1-ci xətti ilə Türkiyənin daxili istehlakına və Türk axını”nın 2-ci xəttilə Cənub-Şərqi Avropa ölkələrinə qaz tədarükü üçün Türkiyə ilə bir çox layihəmiz var", - Novak bildirib.

Sözügedən layihələrin prezident Rəcəb Tayyib Ərdoğan və Rusiya prezidenti Vladimir Putin arasında əldə olunan razılaşmalarla həyata keçirildiyini bildirən Novak deyib:

“Qazprom və BOTAŞ bu layihələri birgə həyata keçirir və bu gün sözügedən boru kəmərləri uğurla işləyir. Çatdırılmalar tam layihə gücünə uyğun həyata keçirilir. Ona görə də enerji sektorunda və xüsusən də təbii qaz sektorunda uğurlu əməkdaşlıqların olduğuna inanıram”.

13.10.2023 17:02

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az