"Bank BTB" maliyyə göstəricilərini açıqladı

"Bank BTB" maliyyə göstəricilərini açıqladı

"Bank BTB"nin əməliyyat mənfəəti 15 dəfəyə yaxın artıb.

"Bank BTB" maliyyə göstəricilərini açıqladı

"Bank BTB" ASC 2023-cü ilin 9 ayı üzrə (yanvar-sentyabr) maliyyə göstəricilərini açıqlayıb.

Marja.az xəbər verir ki, cari ilin yanvar-sentyabr dövründə "Bank BTB"nin cəmi əməliyyat gəlirləri (faiz və qeyri-faiz gəlirləri) 25 milyon 885 min manat, cəmi əməliyyat xərcləri (faiz və qeyri-faiz xərcləri) 23 milyon 990 min manat, gəlirlər xərcləri üstələdiyindən əməliyyat mənfəəti 1 milyon 895 min manat təşkil edib. Bank aktivlər üzrə mümkün zərərlərin ödənilməsi üçün xüsusi ehtiyatın yaradılmasına 2 milyon 528 min manat ayırıb.

VTB-də minimal faiz dərəcəsi ilə nağd kredit 10.49%-dən

Müqayisə üçün qeyd edək ki, 2022-ci ilin 9 ayı ərzində "Bank BTB"nin əməliyyat mənfəəti 129 min manat təşkil etmişdi və aktivlər üzrə mümkün zərərlərin ödənilməsi üçün xüsusi ehtiyatın yaradılmasına 5 milyon 872 min manat ayırmışdı. Beləliklə, "Bank BTB"nin əməliyyat mənfəəti 2023-cü ilin 9 ayında ötən ilin eyni dğvrü ilə müqayisədə 14,7 dəfə artıb.

BANK BÖYÜYÜB

30 Sentyabr 2023-cü il tarixində "Bank BTB"nin cəmi aktivləri 376 milyon 759 min manat, o cümlədən müştərilərə verilmiş kreditlər (xalis) 276 milyon 854 min manat təşkil edib. Ötən ilin eyni tarixində Bank 361 milyon 438 min manat cəmi aktivlərə və 238 milyon 980 min manat xalis kredit portfelinə malik olmuşdu.

"Bank BTB"də müştərilərin müddətli depozitləri 30 dentyabr 2023-cü il tarixində 135 milyon 361 min manat təşkil edib ki. bu da ötən ilin eyni tarixindəki məbləğə yaxındır.

30 Sentyabr 2023-cü il tarixində "Bank BTB" ASC 52 milyon 969 min manat məcmu kapitala malik olub.

13.10.2023 09:00

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az