ABŞ-ın neft sənayesinin vəziyyəti və xam neft hasilatı haqqında göstərici kimi qəbul edilən qazılan neft quyularının sayı 766-ya yüksəlib.

 
Dünyanın ən böyük neft sahəsi xidmət şirkətlərindən "Baker Hughes"ın həftəlik məlumatına görə, Amerikanın neft sənayesində bu həftə 2 yeni quyunun qazılmasına başlanıb. Beləliklə, 24-28 İyulu əhatə edən həftə cəmi qazılan quyuların sayı 766-ya çatıb.

 
Ölkədəki qazılan quyuların sayı son 28 həftədə 26 dəfə artım qeyd edib.  Yanvar ayında 522 olan qazılan quyuların sayı, bu müddətdə 47 faiz artıb.

 
ABŞ-da qazılan neft quyularının sayı  2014-cü ilin Oktyabr ayında 1609 ilə ölkə tarixindəki ən yüksək səviyyədə, aşağı neft qiymətlərinin Amerika neft sənayesini mənfi təsir etməsilə keçən il may ayında 316-ya geriləyərək, 80 faiz ilə tarixi bir azalma qeyd etmişdi.

 
NEFT HASİLATI 23 HƏFTƏNİN 4-DƏ GERİLƏYİB
 

Digər tərəfdən, ABŞ-ın xam neft istehsalı isə son 23 həftənin 4-ündə azalma qeyd edib.

 
ABŞ Enerji İnformasiya İdarəsinin (EIA) çərşənbə günü açıqladığı məlumatlarına görə, ABŞ-ın xam neft hasilatı keçən həftə gündəlik orta hesabla 19 min barel azalaraq 9,41 milyon barelə enib. Beləliklə, ABŞ-ın xam neft hasilatı son 23 həftənin 4-ndə azalmışdır.

Aşağı neft qiymətləri səbəbilə ölkənin xam neft hasilatı keçən ilin oktyabr ayında gündəlik orta hesabla 8,45 milyon barelə qədər geriləmişdi.

 
EIA-nın iyul ayı hesabatına görə, ABŞ-ın xam neft hasilatının bu il gündəlik orta hesabla 9,3 milyon, gələn il də 9,9 milyon barrel olması gözlənilir.

 
NEFT QİYMƏTLƏRİ QALXIB

 
ABŞ-da quyuların sayında bu həftə artım olduğunu bildirilməsinə baxmayaraq, qlobal bazarda neft qiymətləri qalxmağa davam edib.

 
Baker Hughes məlumatlarının açıqlanmasının ardından Brent növü neftin barrel qiyməti 2,2 faiz artımla 52,63 dollardan, ABŞ-ın Qərbi Texas tipli neftin barrel qiyməti də 1,6 faiz artımla 49,85 dollardan ticarət olunub.