"Kredaqro Bank Omayan Kredit Təşkilatı" MMC hər birinin nominal dəyəri 100 manat olan 20 000 ədəd faizli, təmin edilməmiş, sənədsiz, adlı istiqrazlar buraxır.

Marja.az xəbər Baza Emissiya Prospektinə istinadən xəbər verir ki, istiqraz buraxılışı yolu ilə 2 milyon manat cəlb edilməsi nəzərdə tutulur.

İstiqrazılar üzrə illik faiz dərəcəsi 14%, faiz ödəniş dövrünün müddəti 90 gündən biridir. Tədavül müddəti isə 24 aydır.

"Kredaqro BOKT" MMC-nin nizamnamə kapitalı 100% payla "Aqromostfinans" MMC-yə (Rusiya Federasiyası) məxsusdur. 

Buraxılışın anderrayteri "Capital Partners İnvestisiya Şirkəti" QSC-dir.

İstiqrazların emissiyası aşağıda qeyd olunan buraxılışlarla həyata keçiriləcək:

1-ci buraxılış üzrə 500 000 (beş yüz min) manat həcmində, 24 ay, illik 14%;

2-ci buraxılış üzrə 500 000 (beş yüz min) manat həcmində, 24 ay, illik 14%;

3-cü buraxılış üzrə 500 000 (beş yüz min) manat həcmində, 24 ay, illik 14%;

4-cü buraxılış üzrə 500 000 (beş yüz min) manat həcmində, 24 ay, illik 14%

"KredAqro BOKT" MMC, 2000-ci ildə ABŞ–ın Beynəlxalq İnkişaf Agentliyinin Azərbaycanda Kənd Təsərrüfatının Kreditləşdirilməsi Layihəsi çərçivəsində Azərbaycanın doqquz regionunda sahibkarlara maliyyə xidmətlərinin göstərilməsi üçün yaradılmışdır. Onun əsası, ACDI/VOCA (Kənd Təsərrüfatının Kooperativ İnkişafı) ABŞ-ın qeyri-hökumət beynəlxalq inkişaf təşkilatı və Azərbaycan Kənd Təsərrüfatının Kreditləşdirilməsi Layihəsinin içraçısı tərəfindən qoyulmuşdur. "KredAqro" bu layihə çərçivəsində, ABŞ –dan texniki yardım və 3 milyon dəyərində kredit kapitalı almışdır. 2008 –ci ildə ABŞ –ın Beynəlxalq İnkişaf Agentliyi "KredAqro"nun təsisçisi olan ACDI/VOCA –ya "KredAqro"nun tam mülkiyyət hüququnu vermişdir.  Təşkilat   daşınar və daşınmaz əmlak təminatlı kreditlər verir. "KredAqro"nun Sumqayıtda, Qubada, Ağdaşda, Bərdədə, Gəncədə, Tovuzda, Qazaxda, Cəlilabadda, Masallıda, İsmayillıda və Zaqatalada 11 filialdan ibarət şəbəkəsi vardır. Hazırda “KREDAQRO” BOKT MMC-nin tək təsisçisi "Aqromostfinans" MMC-dir (Rusiya Federasiyası).