"Sərnişin sayı əsaslı şəkildə artıb, ən sıx qrafik tətbiq olunur, ehtiyat qatarlardan istifadə qeyri-mümkündür" - Bakı metrosu

"Sərnişin sayı əsaslı şəkildə artıb, ən sıx qrafik tətbiq olunur, ehtiyat qatarlardan istifadə qeyri-mümkündür" - Bakı metrosu

"Sərnişin sayı əsaslı şəkildə artıb, ən sıx qrafik tətbiq olunur, ehtiyat qatarlardan istifadə qeyri-mümkündür" - Bakı metrosu

Sentyabr ayının 15-dən Bakı metropolitenində qatarların yeni hərəkət qrafiki tətbiq olunur.

Bakı metropolitenindən Marja.az-a daxil olmuş məlumatda bildirilir ki, yeni tədris mövsümü və fəal istirahət dövrünün başa çatması ilə əlaqədar Bakı metropolitenində sərnişin sayı əsaslı şəkildə artıb. Bu səbəbdən Bakı metropolitenində stansiyaların fəaliyyəti, sərnişin axını, qatarların hərəkət qrafiki ilə bağlı monitorinqlər davam etdirilir.

Sərnişindaşıma statistikasına əsasən, daşımanın əsaslı şəkildə artmağa başladığı sentyabrın 15-dən metropolitendən istifadə edənlərin sayı orta statistik hesabla gün ərzində 671 min 815 sərnişin təşkil edib. Bu, bütün ay ərzində orta gündəlik sərnişindaşımadan təxminən 60 min çox sərnişin deməkdir.

Daha real təsəvvür üçün 15 sentyabr tarixindən sonrakı dövrün iş günlərinin statistikasına müqayisəli nəzər salmaq vacibdir. Sentyabrın 21 iş günü ərzində orta statistik hesabla gündəlik 681 min 43 sərnişin daşınıb. Sentyabrın 15-dən sonrakı 11 iş günündə gündəlik orta sərnişin sayı 759 min 695 təşkil edib. Müqayisə üçün qeyd edilməlidir ki, sentyabrın 15-dək olan 10 iş günündə orta statistik gündəlik sərnişindaşıma 542 min 418 olub.

Qeyd edilən statistik məlumatlar nəzərə alınmaqla, gündəlik müşahidələr və monitorinqlər də davam etdirilir.

Bakı metropoliteni bildiri ki, yatarların hərəkət qrafiki xüsusi diqqət obyekti olub. Mövcud vəziyyətə uyğun, günorta saatlarında ehtiyat qatardan istifadə olunması müntəzəm təmin edilir. Həmin vaxt “Gənclik”, “28 May” və “Elmlər Akademiyası” daha sıx stansiyalar olduğundan ehtiyat qatar “Nərimanov” elektrik deposundan xəttə çıxarılır. Səhər və axşam gur saatlarda texniki cəhətdən hazırda mümkün olan ən sıx qrafik tətbiq olunduğundan ehtiyat qatarlardan müntəzəm istifadə edilməsi qeyri-mümkündür. Bununla belə, qatarların hərəkətində müvafiq manevrlər və digər operativ tədbrilər nəzarətdə saxlanılır.

05.10.2023 10:04

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az