(®) İcbari həyat sığortası ilə nəzarətiniz olmadan baş verə biləcək bir çox iş qəzalarından qoruna bilər, şirkət büdcənizin əlavə xərclərlə zədələnməsinin qarşısını ala bilərsiniz. İcbari həyat sığortasının əhəmiyyəti də elə bu neqativ hallarda ortaya çıxır. Bu sığorta növü istehsalatda bədbəxt hadisələr və peşə xəstəlikləri nəticəsində işçinin peşə əmək qabiliyyətini itirməsi hallarını və ya ölümü ilə bağlı sığorta şirkəti tərəfindən sığorta ödənişinin verilməsi qaydalarını tənzimləyir. 

Fərqli sığorta şirkətləri tərəfindən təklif olunan həyat sığortaları eyni adla adlandırılsa da, detallarda ciddi fərqlər ola bilər. Bəs həyat sığortası şirkətini seçərkən nələrə diqqət etməliyik? Gəlin, bu məsələyə daha yaxından nəzər salaq: 

- Həyat sığortası şirkəti ilə əməkdaşlıq əsasən etibara əsaslanır. Bu səbəbdən, hüquqi aspekti ilə yanaşı, xidmət təminatçısının etibarlı, hərtərəfli xidmət təminatçısı və bu sahədə peşəkar olması mütləqdir. Həyat sığortası alarkən və ya seçərkən, bu xidmətə nələrin daxil olub, olmadığı nəzərə alınmalıdır. 

- Təcili və lazımi anlarda sürətli dəstək almaq üçün təcrübəli və peşəkar sığorta şirkətini seçmək çox vacibdir. Müştəri münasibətlərinin uğurlu idarə olunması şirkətlərin öz müştərilərini yaxşı tanıması, onların ehtiyac və tələblərinə uyğun məhsul və xidmətlər inkişaf etdirməsi deməkdir. Bunun üçün də şirkətin əlçatan olması son dərəcə zəruridir.

- Sığorta şirkətləri maliyyə bazarlarında çox mühüm funksiyaya və daim inkişaf edən dinamik struktura malikdir. Sığorta sektorunun bazarlarda payı qlobal və regional inkişafa mütənasib olaraq artır. Hər il ölkəmizdə fəaliyyət göstərən həyat sığorta şirkətləri beynəlxalq və yerli standartlara uyğun hazırlanmış maliyyə hesabatlarını ictimaiyyətə açıqlayırlar. Həyat sığortası seçərkən şirkətin maliyyə vəziyyətinə də önəm verilməsi vacibdir.  

- Loyallıq və bağlılıq yaratmaq üçün müştəri məmnuniyyəti və müştəriyönümlü yanaşma önəmli aspektlərdəndir. Sığorta sektorunda müştəriyönümlü idarəetmə yanaşması belə ifadə olunur: müştərinin tələblərini, gözləntilərini və ehtiyaclarını ən yaxşı şəkildə qarşılamaq, qısa müddətdə və peşəkar şəkildə necə cavab veriləcəyi barədə məlumat əldə etmək və müştəri məmnuniyyətini təmin etmək, müştəri loyallığını qorumaq və əlçatan olmaq. İndiki dövrdə sığorta sektoru inkişafa, rəqabətə ən açıq sektorlardan biridir və sektordakı müxtəlif şirkətlər eyni məqsəd üçün fəaliyyət göstərirlər. 

Ölkəmizdə hər bir sahibkar, işəgötürənin əməkdaşlarının həyatını “istehsalatda bədbəxt hadisələrdən icbari sığorta” üzrə təmin etməsi mütləqdir. Onun icbari qaydada tətbiq olunması isə ictimai zərurətdən irəli gəlib, burada həm işəgötürənin, həm də işçilərin mənafeləri ön planda tutulur. Bu sığorta növündən yayınma işçilərin həyatlarını təhlükəyə atmaqla yanaşı, həm də işəgötürənlərin 5000 AZN-dək cərimələnməsinə zərurət yaradır. 

“İcbari Həyat Sığortası” haqqında ətraflı məlumat əldə etmək üçün  (012) 942 çağrı mərkəzinə və ya https://icbari.pasha-life.az veb-saytına müraciət edə bilərsiniz.