Əfqanıstanın valyutası dünyanın ən çox bahalaşan valyutalarından biri olub

Əfqanıstanın valyutası dünyanın ən çox bahalaşan valyutalarından biri olub

Əfqanıstanın pul vahidi Əfqani dünyanın ən sürətlə bahalaşan valyutalarından biri olub.

Əfqanıstanın valyutası dünyanın ən çox bahalaşan valyutalarından biri olub

İlin əvvəlindən Əfqanıstan əfqanisi (AFN) ABŞ dollarına nisbətdə təxminən 14% dəyər qazanıb.

Marja.az Bloomberg-ə istinadən xəbər verir ki, Əfqanıstan valyutasının möhkəmlənmə sürəti dünyada Kolumbiya və Şri-Lanka valyutalarından sonra üçüncü yeri tutub.

Ticarətin artması, valyuta nəzarəti, nağd pul axını və digər pul köçürmələri Əfqanıstanın məzənnəsinin möhkəmlənməsinə səbəb olub.

Bundan əlavə, Əfqanıstanda ölkədə ödənişlər üçün ABŞ dolları və Pakistan rupisindən istifadəyə qadağa qoyulub, ABŞ dollarının ölkədən kənara çıxarılmasına məhdudiyyətlər sərtləşdirilib.

Əfqanıstanda hazırda xarici valyuta əsasən valyutadəyişmə məntəqələri vasitəsilə ticarət edilir. Maliyyə sanksiyalarına görə, indi demək olar ki, bütün pul köçürmələri bir çox regionlarda, o cümlədən Yaxın Şərqdə fəaliyyət göstərən Hawala pul köçürmə sistemi vasitəsilə Əfqanıstana gedir.

Ekspertlər bildirir ki, xarici valyuta əməliyyatlarına məhdudiyyətlərin gücləndirilməsi və ticarət vəziyyətinin tədricən yaxşılaşması əfqaniyə tələbin artmasına kömək edir.

Dünya Bankı Əfqanıstan iqtisadiyyatının bu il azalmanı dayandıracağını və 2025-ci ilə qədər 2-3% artacağını proqnozlaşdırır.

Çin, Britaniya və Türkiyə şirkətləri bu ay ölkədə böyük dəmir və qızıl mədənlərinin tikintisi üçün 6,5 milyard dollarlıq müqavilələr imzalayıb. Yanvar ayında Əfqanıstan hökuməti ölkənin şimalındakı Amudərya çayı hövzəsində neft hasilatı üçün Çinin "Sincan Central Asia Petroleum and Gas" şirkəti ilə müqavilə imzalayıb.

29.09.2023 08:51

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az